Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da áıeli men eki qyzyn óltirgen turǵyn ómir boıyna bas bostandyǵynan aıyryldy

2020 jyldyń 30 shilde 2020 18:17

ORAL. QazAqparat – BQO qylmystyq ister jónindegi mamandandyrylǵan aýdanaralyq sotynda Serik Qapızovqa qatysty úkim shyqty, dep habarlaıdy QazAqparat tilshisi.

Atalǵan sottyń baspasóz qyzmeti málim etkenindeı, S.Qapızovqa QR QK 99-baby 3-bóligi, 202-baby 2-bóligi 1 jáne 5-tarmaqtaryna sáıkes aıyptaý úkimi shyǵaryldy.

Sot talqysynda belgili bolǵanyndaı, bıylǵy naýryz aıynda jubaıy J-ǵa jeńil dárejede dene jaraqatyn keltirgeni úshin Qapızov qamaýǵa alynǵan.

Osy kezde J. nekeni buzý týraly talap-aryz bergen.

Bıylǵy 9 sáýirde S.Qapızov áıeli turatyn úıdiń esigin buzyp kirip, benzın shashyp, ot qoıǵan. Sonyń saldarynan J. men onyń eki qyzy qaza tapqan. Úı ıesine 3 mln teńge zalal keltirilgen.

Sottalýshy adamdardy, sonyń ishinde jas balalardy asa qatygezdikpen óltirgeni jáne múlikti qasaqana joıǵany úshin aıypty dep tanyldy. Onyń kinási kýálardyń aıǵaqtarymen jáne saraptama qorytyndylarymen dáleldendi.

Osylaısha S.Qapızov ómir boıyna bas bostandyǵynan aıyryldy. Ol jazasyn qaýipsizdigi tótenshe qylmystyq-atqarý júıesi mekemesinde, sonyń ishinde alǵashqy bes jylyn qaýipsizdigi tolyq mekemede óteıdi.

Sot úkimi kúshine engen joq.

Eske sala keteıik, budan buryn BQO-da turǵyn úıdegi órt ornynan áıel men onyń eki qyzynyń múrdesi tabylǵanyn, keıin olardy óltirgen turǵynnyń qamaýǵa alynǵanyn jazǵan bolatynbyz.




Joǵary qaraı