Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da bala kezdegi dosyn óltirgen turǵyn 11 jylǵa sottaldy

2020 jyldyń 20 qazan 2020 14:21

ORAL. QazAqparat – BQO qylmystyq ister jónindegi mamandandyrylǵan aýdanaralyq sotynda búgin 36 jastaǵy Vıtalıı Valıtovqa qatysty úkim shyqty, dep habarlaıdy QazAqparat tilshisi.

Atalmysh sottan túsken málimetke qaraǵanda, V.Valıtov QR QK 99-baby 1-bóligine sáıkes aıypty dep tanylyp, 11 jyl merzimge bas bostandyǵynan aıyryldy.

Sot úkimimen V.Valıtovqa jazasyn qaýipsizdigi barynsha joǵary qylmystyq-atqarý júıesi mekemesinde óteý belgilendi.

Іs beınebaılanys júıesi arqyly qaraldy.

Sot talqysynda málim bolǵanyndaı, bıylǵy 26 maýsym kúni túski ýaqytta V.Valıtov Báıterek aýdany Úlken Shaǵan aýyly Beıbitshilik kóshesi 14-mekenjaıynda ornalasqan qaraýsyz qalǵan úıdiń aýlasynda óziniń bala kezindegi dosy A.ýka jáne onyń jezdesi E.Samartsevpen birge araq ishken.

Saǵat 21.00 shamasynda masaıǵan E.Samartsev úıine ketip, qalǵan ekeýi otyrysty jalǵastyrǵan. Bir saǵattaı ýaqyt ótkennen keıin ekeýiniń arasynda kıkiljiń týyndap, V.Valıtov A.ýkanyń basynan eki ret urǵan. Sosyn moıyn tusynan eki márte pyshaq calǵan. Sonyń saldarynan A.ýka oqıǵa ornynda qaza tapqan.

Sotta V.Valıtovtyń kinási tolyq dáleldendi.

Úkim zańdy kúshine engen joq.

Eske sala keteıik, budan buryn BQO-da kólik apatyna baılanysty qylmystyq is qozǵalǵanyn jazǵan bolatynbyz.


Avtor Eljan Eraly
Basty sózder: Sot, Batys Qazaqstan oblysy,
Joǵary qaraı