Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da bıyl koronavırýs juqtyrǵandar sany 4 myńnan asty

2021 jyldyń 5 naýryz 2021 17:00

ORAL. QazAqparat – Batys Qazaqstan oblysynda jyl basynan beri 4041 adam koronavırýs juqtyrdy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda málim etkenindeı, sonyń 2483-inde aýrý belgileri bolsa, qalǵan 1558-i – sımptomy joqtar.

Іndet bastalǵaly óńirde 13262 adam dertke shaldyqsa, sonyń 10941-i saýyǵyp shyqty. 199 adam qaıtys boldy.

Aqpannyń 1-inen beri 2204 adamnan koronavırýs anyqtaldy. Aýyrǵandarmen qarym-qatynasta bolǵan 4025 adam medıtsınalyq baqylaýǵa alyndy.

Nurlybek Ermekulynyń sózine qaraǵanda, sońǵy aptada (26 aqpan – 4 naýryz) aldyńǵymen salystyrǵanda, juqtyrý kórsetkishi 3,2 paıyzǵa (432-den 418-ge) tómendedi.

Aqpan aıynan beri syrqattanǵandardyń 34,3 paıyzy (757 adam) – jumys isteıtinder, 25 paıyzy (553) – zeınetkerler, 20,1 paıyzy (445) – jumyssyzdar, 7,8 paıyzy (173) – oqýshylar, 3,1 paıyzy (70) – medıtsına qyzmetkerleri, 3 paıyzy (68) – muǵalimder.

«Oqý jyly bastalǵannan beri barlyǵy 495 shákirtten (251-i dástúrli sıpatta, 244-i qashyqtan bilim alady) kovıd tabyldy. Úshinshi toqsanda, ıaǵnı 11 qańtardan bastap 280 (153-i dástúrli, 127-si qashyqtan) oqýshy indet juqtyrdy. 14 aqpan men 4 naýryz aralyǵynda qala men aýdandardyń bas memlekettik sanıtar dárigerleriniń qaýlysymen 22 mekteptegi 64 synyp karantınge jabyldy», dedi N.Mustaev.

Eske sala keteıik, budan buryn BQO-da koronavırýsqa qarsy egiletin 5500 doza vaktsına jetkizilgenin jazǵan bolatynbyz.


Joǵary qaraı