Warning: unlink(/home/admin/web/lenta.inform.kz/public_html/application/cache/ed/ede27b48b6a8295e8ab9611e98ae47aace3a8401.txt): No such file or directory in /home/admin/web/lenta.inform.kz/public_html/system/classes/Kohana/Core.php on line 891
BQO-da karantın tártibin buzǵandarǵa 20 mln-nan astam teńgege aıyppul salyndy
Aýa raıy
Astana -25 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da karantın tártibin buzǵandarǵa 20 mln-nan astam teńgege aıyppul salyndy

2020 jyldyń 6 tamyz 2020 14:46

ORAL. QazAqparat – Batys Qazaqstan oblysynda karantın tártibin buzǵandarǵa 20 mln astam teńge aıyppul salyndy, dep habarlaıdy QazAqparat tilshisi.

BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetinen túsken málimetke qaraǵanda, 5 shilde – 5 tamyz aralyǵynda karantın rejımi men sanıtarlyq-epıdemıologııalyq talaptardy buzǵandarǵa qatysty 311 hattama toltyryldy.

Bulardyń ishinde zańdy jáne jeke tulǵalar, sondaı-aq kásipkerler de bar.

Monıtorıngtik top pen polıtsııa júrgizgen reıdter barysynda karantın kezinde tyıym salynǵan saýda, qyzmet oryndarynyń jumys istep turǵany anyqtaldy. Birqatar kásipkerlik nysandarynda sanıtarlyq talaptardyń saqtalmaǵany, atap aıtqanda, jeke qorǵanysh quraldary men dezınfektsııalyq quraldardyń (antıseptıkterdiń) joqtyǵy belgili boldy.

Sonymen qatar shekteý sharalaryna qaramastan, turǵyndar úıde, kafe, meıramhanalarda kóp adamnyń jınalýymen otbasylyq sharalar ótkizgen. Túngi saǵat 23.00-den keıin jeke kóligimen beısaýat júrgender de aıypsyz qalmady.

Departament koronavırýs indetiniń qaıta órship ketpeýi úshin karantındik shekteý sharalaryn qatań saqtaýǵa shaqyrady.

Eske sala keteıik, budan buryn Oral turǵynynan 128 myń teńgeniń dári-dármegi tárkilengenin jazǵan bolatynbyz.


Joǵary qaraı