Aýa raıy
Astana -22 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da qarasha aıynda 100-den astam nysan sanıtarlyq talapty buzǵan

2020 jyldyń 27 qarasha 2020 12:47

ORAL. QazAqparat – Batys Qazaqstan oblysynda qarasha aıynda monıtorıng toptary 101 nysanda sanıtaııa talabynyń buzylǵanyn anyqtady, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, osy aıda QR Ákimshilik quqyqbuzýshylyq kodeksi 425-baby 1-bóligine sáıkes 204 hattama toltyryldy.

Sonyń ishinde kóp adamnyń qatysýymen 74 sharanyń ótkendigi toı-tomalaqtyń tyıylmaı otyrǵanyn kórsetedi. Sondaı-aq betperde kımeýdiń 59, saǵat 23.00-den keıin jeke kólikpen júrýdiń 57, jumys rejımin buzýdyń 13, qyzmetkerlerge termometrııa júrgizbeýdiń 1 deregi belgili boldy.

Karantın tártibin buzǵandarǵa 10 mln astam teńge aıyppul salyndy.

1-26 qarasha aralyǵynda 888 adam koronavırýs juqtyrsa, sonyń 567-si nemese 63,8 paıyzy Oral qalasynda anyqtalǵan. Sondaı-aq indet Báıterek aýdanynda (130), Bórlide (63), Shyńǵyrlaýda (31), Terektide (30) kóbeıip tur.

Osy kezeńde óńirde memlekettik shekaradan 21 468 adam ótse, anyqtamasy bolmaǵan 423 jolaýshynyń jeteýinen indet tabyldy. Sol sekildi halyqaralyq júk tasymalymen aınalysatyn 7641 júrgizýshiniń ishinde 2 800-inde anyqtama bolmaı shyqqan. Bulardan alynǵan test 23 adamnyń koronavırýs juqtyrǵanyn kórsetti.

Qarasha aıynda barlyǵy 38 969 adam zerthanalyq tekserýden ótti.

Eske sala keteıik, BQO-da 35 myńǵa jýyq adam koronavırýs ınfektsııasyna qatysty zerthanalyq tekserýden ótken.




Joǵary qaraı