Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da koronavırýspen aýrýhanaǵa túskenderdiń 95 paıyzy - vaktsına almaǵandar

2021 jyldyń 19 qazan 2021 20:30

ORAL. QazAqparat - Batys Qazaqstan oblysynda koronavırýspen aýrýhanaǵa túsip jatqandardyń 95 paıyzy - vaktsına almaǵandar, dep habarlaıdy QazAqparat tilshisi.

BQO densaýlyq saqtaý basqarmasynyń basshysy mindetin atqarýshy Arman Qalıbekovtiń málim etkenindeı, óńirde kún saıyn orta eseppen oblystyq juqpaly aýrýlar aýrýhanasyna 15-25 naýqas túsedi.

Onyń sózine qaraǵanda, buryn patsıentter statsıonarda orta eseppen 10 kún emdelse, qazir 14-21 kúnge sozylady. Óıtkeni aýrýdy emdeý qıynǵa túsýde.

Aýrýhanaǵa túskenderdiń bastapqyda 22 paıyzy, 5-10 táýlikte 56 paıyzy jansaqtaý bólimshesine aýystyrylyp, 11-19 táýlikte 18 paıyzy qalady.

Oblys boıynsha koronavırýs juqtyrý kórsetkishi sońǵy eki aptada 18,4 paıyzǵa tómendegenimen, aýrý aýyr ótýde. Infektsııalyq statsıonarlarǵa negizinen sozylmaly syrqaty bar, egilmegen adamdar túsedi. Sondyqtan vaktsına qabyldaýdyń mańyzy zor.

A.Qalıbekovtiń sózine qaraǵanda, qazirgi kezde 931 tósektik 16 ınfektsııalyq statsıonarda 247 naýqas emdelýde (26,5 paıyzǵa tolǵan). Sonyń ishinde 24 emdelýshi jansaqtaý bólimshesinde jatsa, onyń bireýi asa aýyr halde.

Eske sala keteıik, budan buryn Reseıde koronavırýstyń órshýine baılanysty BQO-da shekarada karantın kúsheıgenin jazǵan bolatynbyz.


Joǵary qaraı