Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da sozylmaly syrqaty barlar vaktsınatsııaǵa jıi kele bastady

2021 jyldyń 13 qazan 2021 14:15

ORAL. QazAqparat – Batys Qazaqstan oblysynda ótken táýlikte sozylmaly syrqaty bar 70 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.

BQO Densaýlyq saqtaý basqarmasynan málim etkenindeı, bir kúnde barlyǵy 695 adam vaktsına qabyldady.

Mamandardyń sózine qaraǵanda, sońǵy kezde sozylmaly aýrýy bar adamdar da kóbirek egilýde. Bul – olardyń ózderi úshin mańyzdy.

Vaktsınatsııa naýqany bastalǵannan beri oblysta 227 505 adam birinshi komponentpen egildi. Bul – egilýge tıisti turǵyndardyń 63,2 paıyzy.

Sonyń ishinde 205 489-y (57 paıyzy) ekinshi komponentin alyp úlgerdi.

«Qazirgi tańda óńirde 47 egý kabıneti jumys isteıdi. Emhanalarda «Spýtnık V», «Vero Cell», «QazVac» vaktsınalarynyń qory jetkilikti», - dep habarlady vedomstvodan.

Basqarma málimetine qaraǵanda, kúni búgin koronavırýs juqtyrǵan 821 adam ambýlatorlyq em qabyldaýda.

Oblys statsıonarlarynda 277 patsıent bolsa, sonyń 26-synyń jaǵdaıy aýyr. Onyń bireýi ınvazıvti jasandy tynys alý apparatyna qosylǵan.

Ótken táýlikte indettiń jańadan 49 jaǵdaıy anyqtaldy, 14 naýqas jazylyp shyqty.

Pandemııa bastalǵannan beri 38 107 adam koronavırýspen tirkeldi. Sonyń 28 886-sy bıyl anyqtaldy, bulardyń 19 980-inde aýrý belgileri bar.

Jyl basynan beri aýyrǵan 2726 balanyń 2651-i jazylyp shyqty. 75-i emdelý ústinde.

Sońǵy aptada aldyńǵymen salystyrǵanda, koronavırýs juqtyrý kórsetkishi 8,7 paıyzǵa tómendedi.

Eske sala keteıik, budan buryn Batys Qazaqstanda egilýge tıisti turǵyndardyń 63 paıyzy vaktsına qabyldaǵanyn, karantın talabyn buzǵandarǵa 32,2 mln astam teńge aıyppul salynǵanyn jazǵan bolatynbyz.

Sondaı-aq Batys Qazaqstanda jyl basynan beri 618 adam koronavırýstan kóz jumdy.


Joǵary qaraı