Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da turǵyndar 24 ret toı ótip jatqany jóninde habarlaǵan

2020 jyldyń 21 qazan 2020 00:11

ORAL. QazAqparat – Batys Qazaqstan oblysynda zańsyz otbasylyq is-shara týraly habarlaǵan adamǵa 20 myń teńge kóleminde syıaqy berý qolǵa alynǵan. Turǵyndardan osy boıynsha 24 habarlama túsip, onyń segizi rastalǵan. Bul týraly oblys ákimi Ǵalı Esqalıevtiń tóraǵalyq etýimen ótken jedel shtabtyń onlaın jıynynda aıtyldy, dep habarlaıdy QazAqparat tilshisi.

Batys Qazaqstan oblysynda toı, sadaqa ótkizýshiler tyıylmaı otyr. BQO bas memlekettik sanıtar dárigeri Muhamǵalı Aryspaevtyń aıtýynsha, karantın tártibin buzyp, kópshilik shara ótkizýshiler ózine de, ózgelerge de qaýip tóndiredi.

Monıtorıng toptarynyń tekserýi nátıjesinde tek Bórli aýdanynda aıyppul kólemi 2 mln teńgege jýyqtady. Aıyppuldar negizinen kóp adam jınalǵan meıramhana ıelerine salynyp jatyr. Sondaı-aq qoǵamdyq kólikte sanıtarlyq talaptar saqtalmaıdy. Avtobýstar toly, jolaýshylardyń kóbinde maska joq. Qala kóshelerinde de maskasyz júrgenderdi kórýge bolady.

Osyǵan oraı óńir basshysy karantın tártibin buzýshylardy jaýapkershilikke tartýdy tapsyrdy.

Ákimniń sózine qaraǵanda, zańsyz otbasylyq is-shara týraly habarlaǵan adamǵa 20 myń teńge kóleminde syıaqy berý qolǵa alynǵan bolatyn. Іndetpen kúreste osy yntalandyrýdy jalǵastyrý kerek. Oblystyq polıtsııa departamentiniń derekteri boıynsha turǵyndardan osyndaı 24 habarlama túsip, onyń segizi rastalǵan. Salynǵan jalpy aıyppul kólemi 361 myń teńgeni qurady.

Oblysta indet juqtyrǵandar negizinen Oral qalasynda ósip otyr. Ásirese, zeınet jasyndaǵy adamdar men medıtsına qyzmetkerlerine qaýip kóbirek tónýde.

Turǵyndardy koronavırýstan qorǵaý úshin oblys basshysy shekaradaǵy beketterde baqylaýdy kúsheıtý qajettigin atap kórsetti. Qazirgi tańda Reseımen shekarada ornalasqan 4 avtoótkelden kúnine 2 myńdaı adam ótedi. Qolynda anyqtamasy joq qazaqstandyq azamattar eki táýlikke karantın statsıonaryna jatqyzylyp, COVID-19-ge synama alynady. Al sheteldikter keri qaıtarylady.

«Koronavırýs indetiniń álemde keńinen taralyp bara jatqanyn eskere otyryp, karantın tártibin qatań saqtap, barlyq qaýipsizdik sharalaryn alý kerek», - dedi Ǵ.Esqalıev.

Eske sala keteıik, budan buryn BQO-nyń medıtsına qyzmetkerlerine 2,8 mlrd-tan astam teńge tólengenin jazǵan bolatynbyz.


Joǵary qaraı