Aýa raıy
Astana -18 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da úı órtenip, gazdan ýlanǵan áıel qaza boldy

2020 jyldyń 27 qazan 2020 11:49

ORAL. QazAqparat – Batys Qazaqstan oblysynda turǵyn úı órtenip, gazdan ýlanǵan áıel qaza boldy, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 27 qazan kúni Jánibek aýdany Jánibek aýylynda boldy.

Saǵat 02.12-de Sh.Sharafýtdınov kóshesi 5/2-mekenjaıynda órt bolyp jatqany jóninde habar túsken.

Eki páterlik úıdiń bir bóligi (25 sharshy metr) janǵan.

37 jastaǵy áıel gazdan ýlaný belgilerimen aýrýhanaǵa jetkizilgenimen, esin jııa almaı, qaıtys boldy.

Atap ótetin jaıt, 16 jastaǵy qyz órt sóndirýshiler jetkenge deıin ózinen kishi úsh baýyryn terezeden shyǵaryp alǵan.

Órt sóndirýshiler úıdiń ekinshi bóligin aman alyp qaldy.

Aldyn ala boljam boıynsha ot elektr jabdyǵyn durys paıdalanbaýdan shyqqan.

Órt saǵat 03.56-da oqshaýlanyp, 04.29-da tolyqtaı sóndirildi.

BQO TJ departamenti turǵyndarǵa qarapaıym órt qaýipsizdigi erejelerin buljytpaı oryndaý jáne órt shyǵa qalǵan jaǵdaıda abyrjymaı, birden órt kúzetin shaqyrý

qajettigin eskertedi.

Eske sala keteıik, budan buryn Batys Qazaqstanda jol apatynan bir adamnyń kóz jumǵanyn jazǵan bolatynbyz.




Avtor Eljan Eraly
Basty sózder: Oqıǵa, Batys Qazaqstan oblysy,
Joǵary qaraı