Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da úıdiń jertólesinen er adamnyń múrdesi tabyldy

2020 jyldyń 28 qazan 2020 23:16

ORAL. QazAqparat – Oralda zorlyq belgileri bar er adamnyń múrdesi tabyldy, dep habarlaıdy QazAqparat tilshisi.

BQO Polıtsııa departamentiniń baspasóz qyzmetinen málim etkenindeı, oqıǵa 25 qazan kúni «Qurylysshy» shaǵynaýdanynda boldy.

Saǵat 08.30-da osyndaǵy úılerdiń biriniń jertólesinen zorlyq belgilerimen 36 jastaǵy turǵynnyń denesi tabyldy.

Jedel-izdestirý sharalary barysynda polıtsııa qyzmetkerleri 33 jastaǵy er adamdy ustady.

QR Qylmystyq is júrgizý kodeksi 128-babyna sáıkes kúdikti Oral qalalyq Polıtsııa basqarmasynyń ýaqytsha oqshaýlaý ızolıatoryna qamaldy.

Qazirgi kezde QR QK 106-baby 3-bóligine (abaısyzda jábirlenýshiniń ólimine ákep soqqan aýyr dene jaraqatyn keltirý) sáıkes sotqa deıingi tergeý amaldary júrgizilýde.

Polıtsııa departamentinen taǵy bir oqıǵa jóninde habarlady. Sol kúni saǵat 15.30 shamasynda Muhıt kóshesi boıynda «KazIITÝ» ǵımaraty janynda belgisiz bireý 29 jastaǵy azamatqa ish tusynan, bileginen jáne basynan shólmektiń synyǵymen jaraqat keltirgen.

Jábirlenýshi oblystyq kópbeıindi aýrýhananyń jansaqtaý bólimine jatqyzyldy.

Buǵan kúdikti retinde buryn qylmystyq jaýapkershilikke tartylǵan 25 jastaǵy SQO turǵyny qolǵa túsip, ol da qamaýǵa alyndy.

Bul oqıǵa boıynsha da QR QK 106-babyna sáıkes qylmystyq is qozǵaldy.

Eske sala keteıik, budan buryn Oralda tórtinshi qabattan sekirmek bolǵan 32 jastaǵy áıeldiń qutqarylǵanyn jazǵan edik.


Joǵary qaraı