Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da zańsyz balyq tasymaldaǵan avtokólik júrgizýshisi ustaldy

2021 jyldyń 22 aqpan 2021 05:36

ORAL. QazAqparat – Batys Qazaqstan oblysynda balyqty tıisti qujatsyz tasymaldaǵan avtokólik júrgizýshisi ustaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa Oral-Atyraý jolynyń 40-shaqyrymynda Báıterek aýdany Úlken Shaǵan aýyly tusynda boldy.

Jol talǵamaıtyn Lexus avtokóliginiń júrgizýshisi polıtsııa qyzmetkerleriniń toqta degen talabyna qaramastan, jyldamdyǵyn kúsheıtip, qashyp ketpek bolǵan. Biraq onyń jolyna patrýldik kóliktiń biri kedergi jasaǵan kezde jolsyz jermen júrmek bolǵanda, kúrtik qarǵa tirelip turyp qalǵan.

Keıin anyqtalǵanyndaı, 28 jastaǵy júrgizýshi 25 qapqa salynǵan qara balyqty (sazan, qarakóz) tasymaldap kele jatqan.

Júrgizýshige qatysty QR Ákimshilik quqyqbuzýshylyq kodeksi 590-baby 3, 4-bóligi, 613-baby –bóligine qatysty hattama toltyryldy.

Eske sala keteıik, budan buryn Batys Qazaqstanda zańsyz tórt elikti aýlaǵan alǵan turǵynnyń ustalǵanyn jazǵan bolatynbyz.




Joǵary qaraı