Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da jańadan qabyldanǵan tártip saqshylary ant berdi

2021 jyldyń 22 qańtar 2021 02:43

ORAL. QazAqparat – Oralda jańadan qabyldanǵan 17 polıtsııa qyzmetkeri saltanatty túrde ant berdi, dep habarlaıdy QazAqparat tilshisi.

Іs-sharaǵa qatysqan BQO polıtsııa departamenti bastyǵynyń orynbasary, polıtsııa polkovnıgi Nurlan Ramazanovtyń atap ótkenindeı, Otanǵa adaldyqqa, óz qyzmetin minsiz atqarýǵa ant berý úlken jaýapkershilikti júkteıdi.

«Qazirgi kezde jas býynǵa zor senim artylyp otyr. Іshki ister organdarynda reformalar júzege asyrylýda. Polıtsııa qyzmetkeriniń mártebesi kóterilip, áleýmettik jaǵdaıyna kóńil bólinýde. Memleket tarapynan kórsetilip otyrǵan úlken qoldaýǵa saı qaıtarym da bolýy qajet», dedi N.Ramazanov.

Jas tártip saqshylaryn BQO ishki ister organdary ardagerler keńesiniń tóraǵasy Jaılybaı Adaev ta quttyqtap, izgi tilegin bildirdi.





Ant qabyldaǵannan keıin polıtsııa qyzmetkerleri BQO polıtsııa departamentiniń mýzeıinde bolyp, ishki ister organdarynyń tarıhymen tanysty.

Aıta keteıik, qazirgi tańda indettiń taralýyna jol bermeý, shekteý sharalarynyń oryndalýyn qamtamasyz etý maqsatynda polıtsııa departamentiniń jeke quramy kúsheıtilgen rejimde jumys isteýde.

Kún saıyn 768 polıtsııa qyzmetkeri, sonyń ishinde 419-y Oralda, 269-y aýdandarda qoǵamdyq tártipti saqtaýǵa shyǵady. Respýblıkalyq jáne oblystyq mańyzy bar joldardy patrýldik polıtsııa batalonynyń 80 qyzmetkeri qadaǵalaıdy. Demalys kúnderi polıtsııa departamenti apparatynyń qyzmetkerleri esebinen 13 baǵytta qosymsha kúshter tartylady.





Joǵary qaraı