Aýa raıy
Astana -19 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da janazaǵa barǵan aýyl muǵaliminen koronavırýs tabyldy

2020 jyldyń 27 qazan 2020 18:51

ORAL. QazAqparat – Batys Qazaqstan oblysynda sadaqaǵa barǵan aýyl muǵaliminen koronavırýs tabyldy, dep habarlaıdy QazAqparat tilshisi.

BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindeı, oqıǵa Aqjaıyq aýdany Býdarın aýylynda boldy.

Býdarın mektep-bóbekjaı kesheniniń muǵalimi holetsıstıt aýrýymen dárigerge júgingen kezde onyń COVID-19 juqtyrǵany anyqtaldy. Sodan keıin muǵalim juqpaly aýrýlar aýrýhanasyna jatqyzyldy.

Ol osynyń aldynda Aqtóbe qalasyna sadaqaǵa baryp kelgen.

Úıinde jáne mektepte muǵalimmen qarym-qatynasta bolǵandardan alynǵan synama teris nátıje, ıaǵnı koronavırýstyń joqtyǵyn kórsetti.

Aýdandyq bas memlekettik sanıtar dárigeriniń qaýlysyna sáıkes 9-11 synyp oqýshylary qashyqtan oqytýǵa, úı karantınine aýystyrylǵan.

Mektepte qorytyndy dezınfektsııa sharalary júrgizildi.

Oblysta osy kezge deıin 6975 adamnyń koronavırýs juqtyrǵany belgili bolyp, sonyń 6800-i jazylyp shyqty. Sonyń ishinde Oral qalasynda – dertke shaldyqqan 3813, Aqjaıyq aýdanynda – 345, Bókeı ordasynda – 76, Bórlide – 752, Jańaqalada – 140, Jánibekte – 202, Báıterekte – 543, Qaztalovta – 233, Qaratóbede – 73, Syrymda – 239, Tasqalada – 101, Terektide – 326, Shyńǵyrlaýda 132 adam tirkeldi.

Іndetten 117 adam kóz jumdy.

Eske sala keteıik, budan buryn BQO-da karantın tártibin buzǵandarǵa 14 mln teńge aıyppul salynǵanyn jazǵan bolatynbyz.


Joǵary qaraı