Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da jol apatynan bir adam qaza taýyp, úsheýi zardap shekti

2020 jyldyń 25 qazan 2020 10:50

ORAL. QazAqparat – Oralda jol apatynan bir adam qaza taýyp, taǵy úsh adam zardap shekti, dep habarlaıdy QazAqparat tilshisi.

BQO Polıtsııa departamentiniń resmı ókili Bolatbek Belgibekovtiń málim etkenindeı, oqıǵa 25 qazan kúni saǵat 04.05 shamasynda 4-shaǵynaýdanda boldy.

«Moskvıchı» janar-jaǵar maı quıý stansasyna qarsy bette 23 jastaǵy júrgizýshi «VAZ-2112» avtokóliginiń rýline ıe bola almaı, jol shetinde turǵan «Volkswagen Golf» jáne «Gazel» avtokólikterine soǵylǵan.

Sonyń saldarynan «VAZ-2112» avtokóliginde bolǵan 36 jastaǵy áıel oqıǵa ornynda kóz jumdy.

Úsh adam qalalyq kópbeıindi aýrýhanaǵa jetkizildi: «VAZ-2112» júrgizýshisi jabyq bas-mı jaraqatyn alyp, mıy shaıqalǵan. Basynyń jumsaq tinderi, shyntaǵy kógergen. Dárigerler qaraǵannan keıin aýrýhanaǵa jatqyzyldy. Osy kólikte bolǵan 34 jastaǵy jolaýshy áıeldiń de basynyń jumsaq tinderi kógergen, ol úıine jiberildi. Kóptegen synyq jaraqattaryn alǵan 39 jastaǵy áıel jansaqtaý bólimine ornalastyryldy.

Oblystyq Densaýlyq saqtaý basqarmasynyń naqtylaýynsha, júrgizýshi mas kúıinde bolǵan.

Kólik ıelerine materıaldyq shyǵyn keltirildi.

Avtokólikter arnaıy turaqqa qoıyldy.

Atalǵan oqıǵa boıynsha QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde.

«Polıtsııa departamenti atynan qaza tapqan turǵynnyń otbasy men týma-týysqandaryna kóńil aıtamyn. Júrgizýshilerdi jol júrý erejesin buljytpaı saqtaýǵa shaqyramyn, sizderdiń ómirlerińiz osyǵan baılanysty», - dedi polıtsııa polkovnıgi B.Belgibekov.


Joǵary qaraı