Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO-da jol jóndeý jumystaryna 15 mlrd teńge bólingen

2022 jyldyń 17 mamyr 2022 12:38

NUR-SULTAN. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev Batys Qazaqstan oblysyndaǵy jol jóndeý jumystary týraly aıtyp berdi, dep habarlaıdy QazAqparat tilshisi.

«Memleket basshysynyń tapsyrmasyna sáıkes Batys Qazaqstan oblysyndaǵy joldardy qalypqa keltirýge erekshe nazar aýdarylady. 2020 jyldan bastap, jalpy uzyndyǵy 248 shaqyrym bolatyn «Qaztalovka – Jánibek – RF shekarasy» jáne «Ónege-Beısen-Saıqyn» avtojoldaryna kúrdeli jóndeý jumystary júrgizilip jatyr», - dedi Q. Óskenbaev Úkimet otyrysynda.

Jobany iske asyrý bastalǵannan beri jumystar 55 shaqyrymda júrgizilgen.

«Bıylǵy jylǵa 15 mıllıard teńge bólingen. Onyń esebinen taǵy 119 shaqyrym avtojolda qozǵalys ashý josparlanýda. Osylaısha, barlyǵy 174 shaqyrym jańa jol jabynynda qozǵalys ashylady. Jumystardy tolyǵymen aıaqtaý 2023 jyly josparlanǵan», - dedi Qaıyrbek Óskenbaev.

Buǵan deıin Indýstrııa mınıstri avtojol salasyndaǵy jobalardy iske asyrýǵa bıylǵy bıýdjetten 601 mıllıard teńge bólingenin aıtqan edi.

Aıta keteıik, buǵan deıin Prezıdent uzaq jyldar boıy sheshilmeı kele jatqan Batys Qazaqstan oblysyndaǵy kúre joldar problemasy boıynsha Úkimetke jáne aımaq basshysyna tapsyrmalar júktegen edi. Sondaı-aq atalǵan sebepterge baılanysty Indýstrııa jáne ınfraqurylymdyq damý vıtse-mınıstri Berik Kamalıev qyzmetinen bosatyldy. Batys Qazaqstan oblysynda jol jóndeý jumystarynyń keshigýine baılanysty «QAZAVTOJOL «UK» AQ jáne QR IIDM Avtomobıl joldary komıtetiniń birqatar qyzmetkerleri jaýapqa tartylǵan bolatyn.



Joǵary qaraı