Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da jyl basynan beri myńǵa jýyq adamnan koronavırýs tabyldy

2021 jyldyń 22 qańtar 2021 14:39

ORAL. QazAqparat – Batys Qazaqstan oblysynda jyl basynan beri 925 adamnan koronavırýs tabyldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda málim etkenindeı, sońǵy aptada (15-21 qańtar) aldyńǵy aptamen (8-14 qańtar) salystyrǵanda, syrqattanýshylyq deńgeıi 11,8 paıyzǵa (331-den 353-ke) ósken.

Vırýs juqtyrýdyń eń joǵary kórsetkishi Oral qalasynda tirkeldi. Munda 364 adamnan koronavırýs tabylyp, 100 myń turǵynǵa shaqqanda 107,9-dan shyǵyp tur. Sondaı-aq Báıterek (162 adam) aýdanynda 100 myń turǵynǵa 249,9-dan, Bórlide (151) 254,7-den keledi.

JRVI belgileri bar naýqastardy tekserý kezinde 441 (47 paıyz), buryn aýyrǵandarmen baılanysta bolǵan 273 (29 paıyz), kásibı maqsatta synama alynǵan 170 (18 paıyz) jáne statsıonarlarǵa emdeýge jatqyzar aldynda tekserilgen 41 adamnan (4 paıyz) vırýs anyqtaldy. Osylarmen qarym-qatynasta bolǵan 1463 adam tekserilip, medıtsınalyq baqylaýǵa alyndy.

Nurlybek Ermekulynyń sózine qaraǵanda, aýyrǵandardyń 377-si nemese 40,7 paıyzy – jumys isteıtin adamdar, 196-sy (21,1 paıyzy) – zeınetkerler, 165-i (17,8 paıyzy) – jumyssyzdar, 75-i (8,1 paıyzy) – oqýshylar, 46-sy (4,9 paıyzy) – muǵalimder, 31-i (3,3 paıyzy) – medıtsına qyzmetkerleri, 15-i (1,6 paıyzy) – stýdentter, 12-si (1,2 paıyzy) – uıymdastyrylmaǵan balalar, tórteýi (0,4 paıyzy) – kúshtik qurylymdar ókilderi, úsheýi (0,3 paıyzy) – balabaqsha tárbıeshileri, bireýi (0,1 paıyzy) – uıymdastyrylǵan bala.

«Oqý jylynyń basynan beri 263 shákirttiń syrqattanǵany tirkeldi, olardyń 131-i shtattyq rejımde, 132-si qashyqtan oqytylǵan. Al úshinshi toqsanda 11 qańtardan bastap 48 oqýshynyń indet juqtyrǵany rastaldy. Olardyń 16-sy qashyqtan, 33-i dástúrli sıpatta bilim alady. Soǵan sáıkes qala men aýdandardyń bas memlekettik sanıtar dárigerleriniń qaýlysymen 15 mektepte aýrý shyqqan synyptar karantınge jabyldy», dedi N.Mustaev.

Qazirgi kezde óńirde 13 zerthana jumys jasaýda. Іndet bastalǵannan beri barlyǵy 258285, al qańtar aıynda 39670 PTR zertteý júrgizildi.

Qańtarda 14249 adam memlekettik shekaradan ótse, sonyń 3711-i – jolaýshylar. Anyqtamasyz ótken 390 adamnyń ekeýinen indet tabyldy. Halyqaralyq júk tasymalymen aınalysatyn 7009 júrgizýshiniń 2883-inde anyqtama bolǵan joq. 3 júrgizýshiniń koronavırýs juqtyrǵany belgili boldy.

Eske sala keteıik, budan buryn Batys Qazaqstanda karantındik shekteý sharalary kúsheıtiletinin, ınfektsııalyq statsıonarlarda jatqandar sany 300-den asqanyn jazǵan bolatynbyz.


Joǵary qaraı