Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Blokpostaǵy polıtsııa ólimi: qylmystyq istiń kvalıfıkatsııasy ózgertildi

2020 jyldyń 4 tamyz 2020 17:03

ALMATY. QazAqparat – Almaty oblysynda blokposty qıratyp, 2 polıtsııa qyzmetkerin óltirgen BMW júrgizýshisine qatysty tergeý amaldary jalǵasyp jatyr, dep habarlaıdy QazAqparat tilshisi.

«28 mamyrda jol apatyna baılanysty Azamatov A.T qatysty sotqa deıingi tergeý isi bastaldy. Onyń is-áreketine baılanysty QR QK 345-babynyń 4-bólimimen (mas kúıinde kólik aıdap, eki nemese odan kóp adamnyń qazasyna ákelgen jol apatyn týdyrý) qylmystyq is qozǵaldy», - dedi Almaty oblystyq prokýratýrasynan.

Oǵan deıin qylmystyq is QR QK 99-babynyń 2-bólimimen klassıfıkatsııalanǵan bolatyn.

Eske salaıyq, 25 mamyr tańǵy saǵat 05:26-da BMW markaly kóliktiń 28 jastaǵy júrgizýshisi mas kúıinde blokpostaǵy polıtsııa kóligine soǵyldy.

Saldarynan eki polıtsııa qyzmetkeri kóz jumdy.

Al zardap shekken úshinshi polıtseı jaqynda aýrýhanada esin jıdy.

QR Іshki ister mınıstri Erlan Turǵymbaev qylmystyq istiń mán-jaıyn tergeýdi Іshki ister mınıstrligi ózine alǵanyn málim etti.

Jaqynda polıtsııa departamenti kúdikti týraly maǵlumat taratqan bolatyn.

Olardyń málimdeýinshe, kúdikti qylmys bolardan 4 kún buryn qyzmetinen bosatylǵan.

Sondaı-aq , jaraqat alǵan polıtsııa qyzmetkeri aýrýhanadan shyqqan.



Avtor Gúlmıra Ǵosmanálı
Basty sózder: Almaty,
Joǵary qaraı