Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Boks: Azııa chempıonatynda ázirge tórt qazaqstandyq jasóspirim chempıon atandy

2021 jyldyń 29 tamyz 2021 17:44

DÝBAI. QazAqparat - Birikken Arab ámirliginiń Dýbaı qalasynda ótip jatqan bokstan jastar men jasóspirimder arasyndaǵy Azııa birinshiliginde búgin tórt qazaqstandyq chempıon atandy, dep habarlaıdy QazAqparat tilshisi.

2005-2006 jylǵy jasóspirimder arasynda jeńis tuǵyrynan kóringender qatarynda Damır Baıpaqov (46 keli), Tórehan Sabyrhan (52 keli), Adaıbek Nııazbaı (54 keli), Baqtııar Anarbaev (57 keli) bar.

Fınalda Damır Baıpaqov ıraktyq Abbas Kasımdi jeńdi. Qalǵan úsheýi ózbekstandyq qarsylastarynan basym tústi. Atap aıtqanda, Tórehan Sabyrhan Abdýllo Madamınovti, Adaıbek Nııazbaı Mıronshoh Norkosımovty, Baqtııar Anarbaev Dalerjon Bozorovty jeńdi.

Alda 66 kelide Islam Sovetov ózbekstandyq Fazlıddın Erkınboevpen, 81 kelide Mohammed Attıa-Hamed taǵy bir ózbekstandyq Sardorbek Týrsýnovpen qolǵap túıistiredi. Al 81 keliden joǵary salmaqta Erdos Sháripbek úndistandyq Bharat Djoonmen sharshy alańǵa shyǵady.

Sondaı-aq, búgin 2005-2006 jylǵy qyzdar arasynda fınaldyq báseke bolady. Onda 10 salmaqta qazaqstandyq boksshylar sharshy alańǵa shyǵady.

Al erteń, 30 tamyzda 2003-2004 jylǵy dúnıege kelgen jastar arasynda fınal bolady.


Avtor Ádiljan Úmbet
Basty sózder: Boks, Sport,
Joǵary qaraı