Aýa raıy
Astana 6 °S
Almaty 8 °S
valıýta baǵamy
USD 389.98
EUR 434.01
RUB 6.10
CNY 55.04

Boks: Reseıdegi álem chempıonatynda búgin úsh boksshymyz sharshy alańǵa shyǵady

2019 jyldyń 15 qyrkúıek 2019 19:15

NUR-SULTAN. QazAqparat - Búgin Reseıdiń Ekaterınbýrg qalasynda bokstan ótip jatqan álem chempıonatynda úsh boksshymyz sharshy alańǵa shyǵady, dep habarlaıdy QazAqparat tilshisi.

QR Boks federatsııasy habarlaǵandaı, búgin Qazaqstan sapynan úsh boksshy sharshy alańǵa shyǵady.

Nur-Sultan ýaqytymen saǵat 16:00-de bastalǵan kúndizgi sessııada 57 kelide el namysyn qorǵap jatqan Qaırat Erálıev synǵa tústi. Ol venesýelalyq Ioel Fınol Rıvaspen qolǵap túıistiredi.

Al keshki saǵat 20:00-de bastalatyn sessııada Qazaqstan sapynan bir emes, eki birdeı boksshy judyryqtasady. Onyń biri 81 kelidegi boksshymyz Bekzat Nurdáýletov bolsa, ekinshisi 91 kelidegi Vasılıı Levıt.

Nurdáýletov venesýelalyq Korbaı Barrermen qolǵap túıistirse, Levıt slovakııalyq Davıd Mıhalekpen judyryqtasady.

Aıta keteıik, keshe bokstan álem chempıonatynyń altynshy kúni 52 kelidegi Sáken Bıbosynov, 63 kelige deıingi salmaq dárejesinde Zákir Safıýllın jáne 75 keli salmaq dárejesinde synǵa túsetin Tursynbaı Qulahmet kelesi aınalymdarǵa ótken bolatyn.



Avtor Kúnsultan Otarbaı
Basty sózder: Boks, Qoǵam, Sport,
Joǵary qaraı