Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bokstan 22 jasqa deıingi qazaqstandyq sportshylar Azııa chempıonatyna qatyspaıdy

2022 jyldyń 14 qańtar 2022 01:18

NUR-SULTAN. QazAqparat - Bokstan 22 jasqa deıingi sportshylar arasyndaǵy Azııa chempıonatyna qazaqstandyq sportshylar qatyspaıdy. Bul týraly komandanyń bas bapkeri Qaırat Sátjanov málimdedi dep habarlaıdy Olympic.kz.

«Elimizdegi tótenshe jaǵdaıǵa baılanysty josparlanǵan oqý-jattyǵý jıyndaryn keıinge qaldyrdyq. Naqtylap aıtar bolsam, jıyn aqpan aıynda bastalady. Al 20 qańtar kúni Tashkentte bastalatyn 22 jasqa deıingi boksshylar arasyndaǵy Azııa birinshiligine de barmaımyz. Óıtkeni, eldegi tártipsizdikterge baılanysty elden shyǵýǵa ruqsat joq.

Mundaı qıyn kezeńde biz birigip, aýyzbirshilik tanytýymyz qajet. Qazir jattyǵý jıyndary da, jarystar da toqtap tur. Degenmen, kelesi aıdan bastap barlyq josparymyz ýaqytyly oryndalady dep senemiz», - deıdi Qaırat Sátjanov.

Bokstan 22 jasqa deıingi sportshylar arasyndaǵy Azııa chempıonaty 20-30 qańtar aralyǵynda ótedi.


Basty sózder: Sport, Boks, Tótenshe jaǵdaı rejımi,
Joǵary qaraı