Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan álem chempıonaty: Abylaıhan Júsipov qurama kapıtany mindetin atqarady

2021 jyldyń 21 qazan 2021 20:38

NUR-SULTAN. QazAqparat - Bokstan álem chempıonatynda Qazaqstan ulttyq quramasy kapıtany mindetin Abylaıhan Júsipov atqarady, dep habarlaıdy QazAqparat tilshisi.

Dúbirli dodada Serbııa astanasy Belgrad qalasynda 24 qarasha jáne 6 qarasha aralyǵynda ótedi. Oǵan baratyn qazaqstandyq boksshylar quramy belgili boldy. Ulttyq qurama álem chempıonatynda tolyq quramda baq synaýǵa múmkindik aldy.

Bas bapker Qaırat Sátjanov, Temirtas Júsipov (48 keli), Sáken Bıbosynov (51 keli), Mahmýd Sabyrhan (54 keli), Serik Temirjanov (57 keli), Samatalı Tóltaev (60 keli), Sanatalı Tóltaev (63,5 keli), Abylaıhan Júsipov (67 keli), Aslanbek Shymbergenov (71 keli), Nurqanat Raıs (75 keli), Nurbek Oralbaı (80 keli), Bek Nurmaǵambet (86 keli), Aıbek Oralbaı (92 keli) men Nurlan Saparbaı (92 keliden joǵary) syndy sportshylarǵa senim artty.

Olardyń arasynan Abylaıhan Júsipov kapıtandyq mindetti atqarady. Ol 1997 jyly Qaraǵandy oblysy Abaı qalasynda dúnıege kelgen. 2017, 2019 jyldarda álem chempıonatynda qola júldeger atandy. Sondaı-aq, 2017 jyly Azııa chempıonatynda kúmis medal ıegeri boldy. Ol Olımpıada oıyndaryna qatysqan.

Dúnıejúzilik doda 1974 jyldan beri turaqty túrde uıymdastyrylady. Qazaqstan quramasy búginge deıin 12 altyn, 13 kúmis, 21 qola júlde aldy.

Aıta keteıik, álem chempıonatynyń jalpy júlde qory 2,6 mln AQSh dollar. Jeńimpaz 100 000 dollar alsa, kúmis júldeger 50 000, qola júldeger 25 000 dollar alady.

Foto: kfb.kz


Avtor Ádiljan Úmbet
Basty sózder: Boks, Sport,
Joǵary qaraı