Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan álem chempıonaty: Aslanbek Shymbergenov pen Bek Nurmaǵanbettiń jekpe-jegi tikeleı efırden kórsetiledi

2021 jyldyń 27 qazan 2021 10:41

NUR-SULTAN. QazAqparat - Búgin Serbııa astanasy Belgrad qalasynda ótip jatqan bokstan álem chempıonatynda el quramasynan Aslanbek Shymbergenov pen Bek Nurmaǵambet sharshy alańǵa shyǵady, dep habarlaıdy QazAqparat tilshisi.

Jekpe-jekter elorda ýaqytymen saǵat 17.00-de bastalyp, «Qazsport» telearnasy arqyly tikeleı efırde kórsetiledi.

Aslanbek Shymbergenov (71 keli) 1/32 fınalda ırandyq Farhad Moradı Atashgahpen qolǵap túıistiredi.

Al Bek Nurmaǵambet (86 keli) 1/16 fınalda brazılııalyq Keno Machadomen sheberlik baıqasady.

Álem chempıonatyna qazaqstandyq quramadan 13 boksshy bardy.

Onyń arasynda Sáken Bıbosynov (51 keli), Serik Temirjanov (57 keli), Abylaıhan Júsipov (67 keli), Nurqanat Raıys (75 keli alǵashqy jekpe-jeginde jeńiske jetti.

Sondaı-aq, aldaǵy kúnderde Temirtas Júsipov (48 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Nurbek Oralbaı (80 keli), Aıbek Oralbaı (92 keli) men Nurlan Saparbaı (92 keliden joǵary) el namysyn qorǵaıdy.

Ulttyq quramanyń bas bapkeri - Qaırat Sátjanov,

Álem chempıonaty 6 qarashada máresine jetedi.

Avtor Ádiljan Úmbet
Basty sózder: Sport, Boks,
Joǵary qaraı