Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan álem chempıonaty: Nurqanat Raıys  1/16 fınalǵa joldama aldy

2021 jyldyń 26 qazan 2021 23:28

NUR-SULTAN. QazAqparat - Búgin Serbııa astanasy Belgrad qalasyndaǵy bokstan álem chempıonatynyń ekinshi jarys kúninde qazaqstandyq Nurqanat Raıys alǵashqy jekpe-jegin ótkizdi, dep habarlaıdy QazAqparat tilshisi.

75 kelide Nurqanat 1/32 fınalda chernogorııalyq Stefan Savkovıchpen sheberlik baıqasty. Jekpe-jekti qazaqstandyq sportshy sátti ótkizdi. Qarsylasynan myqty ekenin kórsetti. Oǵan kóptegen soqqy jasap úlgerdi.

Osylaısha tóreshiler Nurqanat jeńdi degen sheshim shyǵardy. Ol jarystyń 1/16 fınalyna joldama aldy.

Eske salsaq, budan buryn Sáken Bıbosynov (51 keli), Abylaıhan Júsipov (67 keli) pen Serik Temirjanov (57 keli) alǵashqy jekpe-jekterinde jeńiske jetti .

Eske salsaq, ulttyq quramanyń bas bapkeri Qaırat Sátjanov dúbirli dodada tórt sportshydan ózge Temirtas Júsipov (48 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Aslanbek Shymbergenov (71 keli), Nurbek Oralbaı (80 keli), Bek Nurmaǵambet (86 keli), Aıbek Oralbaı (92 keli) men Nurlan Saparbaı (92 keliden joǵary) syndy sportshylarǵa senim artty.


Avtor Ádiljan Úmbet
Basty sózder: Sport, Boks,
Joǵary qaraı