Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan álem chempıonaty: Sáken Bıbosynov ózbek boksshysyn jeńdi

2021 jyldyń 26 qazan 2021 23:16

NUR-SULTAN. QazAqparat - Búgin Serbııa astanasy Belgrad qalasyndaǵy bokstan álem chempıonatynyń ekinshi jarys kúninde qazaqstandyq Sáken Bıbosynov alǵashqy jekpe-jegin ótkizdi, dep habarlaıdy QazAqparat tilshisi.

Sáken ózbek boksshysy 1/16 fınalda ózbek Hasanboı Dýsmatovpen qolǵap túıistirdi. Qarsylasy - tájirıbeli sportshy. 2016 jyly Rıo Olımpıadasynda altynnan alqa taqqan.

Jekpe-jek barysynda Sáken shıraq qımyl kórsetti. Nátıjesinde qarsylasynan basym tústi.

Sondaı-aq, búgin taǵy bir qazaqstandyq Nurqanat Raıys 75 kelide 1/32 fınalda chernogorııalyq Stefan Savkovıchpen sheberlik baıqasady.

Eske salsaq, 25 qazanda ótken jarystyń alǵashqy kúninde ulttyq qurama kapıtany Abylaıhan Júsipov (67 keli) pen Serik Temirjanov (57 keli) 1/16 fınalǵa ótti.

Eske salsaq, ulttyq quramanyń bas bapkeri Qaırat Sátjanov dúbirli dodada tórt sportshydan ózge Temirtas Júsipov (48 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Aslanbek Shymbergenov (71 keli), Nurbek Oralbaı (80 keli), Bek Nurmaǵambet (86 keli), Aıbek Oralbaı (92 keli) men Nurlan Saparbaı (92 keliden joǵary) syndy sportshylarǵa senim artty.


Avtor Ádiljan Úmbet
Basty sózder: Sport,
Joǵary qaraı