Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan áskerıler arasyndaǵy ÁCh: Qazaqstandyqtar 3 «altyn» aldy

2021 jyldyń 25 qyrkúıek 2021 23:50

MÁSKEÝ. QazAqparat – Qazaqstan quramasy Máskeýde bokstan áskerıler arasynda ótken Álem chempıonatynda 3 altyn, 1 kúmis, 3 qola medal jeńip aldy, dep habarlaıdy QazAqparat Sports.kz saıtyna silteme jasap.

49 kelige deıingi salmaqta «altyn» úshin T.Júsipov brazılııalyq boksshy Leanderson Konseısaomen kezdesti. Temirtas tóreshilerdiń biraýyzdy sheshimimen jeńiske jetip, Qazaqstanǵa týrnırdegi alǵashqy altyn júldeni alyp keldi. Onyń aldynda T.Júsipov Bým Seo Kvakty (Ońtústik Koreıa), Abedneg Makklateni (Kenııa) jáne Volodıa Mnatsakanıandy (Reseı) jeńgen bolatyn.

75 kelige deıingi sanatta Tımýr Nurseıitovke jastar arasyndaǵy álem chempıony, reseılik Alekseı Semykın qarsylas boldy. Aıqas tóreshilerdiń ártúli sheshimimen Nurseıitovtiń paıdasyna sheshildi.

91 kelige deıingi salmaqta Abzal Quttybekov «altyn» úshin Reseı chempıony Ivan Sagaıdakpen aıqasty. Bul jekpe-jekte de tóreshilerdiń sheshimi biraýyzdy bolmady. Jeńis qazaqstandyq boksshyǵa berildi.

Osylaısha, Qazaqstan quramasy týrnırde 3 altyn medal oljalady.

Aıta ketsek, fınalda 52 kelige deıingi salmaqtaǵy Damır Ábdiqadyr da óner kórsetken bolatyn. Ol jastar arasyndaǵy Reseı chempıony Dmıtrıı Dvalımen kezdesti. Jekpe-jek tóreshilerdiń ártúrli sheshimimen D.Ábdiqadyrge berilgen edi. Alaıda, jekpe-jekten keıin reseılik tarap apellıatsııaǵa berip, táýelsiz komıssııa aıqas nátıjesin qaıta qarap, jeńisti D.Dvalıge berdi. Osylaısha, Damır Ábdiqadyr týrnırdiń kúmis medalin qanaǵat tutty.

Qazaqstannyń erler quramasynyń enshisinde 3 «altyn», 1 «kúmisten» bólek, eki qola medal bar. Jalpy komandalyq esepte birinshi oryndy - Reseı, ekinshi oryndy - Qazaqstan, úshinshi oryndy Ózbekstan quramalary jeńip aldy.

Al QR áıelder quramasyna týrnırde 1 ǵana qola júlde buıyrdy. Ony Jasmın Qızatova (69 kg) ıelendi.



Perevod Mıra Tólendiqyzy
Basty sózder: Vıdeo, Qoǵam, Sport, Boks, Ásker,
Joǵary qaraı