Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan áıelder quramasynyń aınalasyndaǵy daý boıynsha arnaıy komıssııa quryldy

2021 jyldyń 17 qyrkúıek 2021 15:08

NUR-SULTAN. QazAqparat – Boksshy Angelına Lýkastyń 8 qyrkúıektegi úndeýinde aıtylǵan áıelder arasyndaǵy ulttyq quramanyń jaǵdaıyna qyzmettik tekseris júrgizý úshin arnaıy komıssııa quryldy, dep habarlaıdy QazAqparat tilshisi.

Bul týraly Sport jáne dene shynyqtyrý isteri komıtetiniń baspasóz qyzmeti málim etti. Komıssııaǵa taraptardyń ýáji men istiń matarıaldaryn qarap, mynadaı sharalar qabyldaý mindeti qoıylyp otyr:

- Qazaqstan boks federatsııasy Ulttyq Olımpıada komıtetimen birlesip, sport etıkasyn buzǵany úshin eki boksshy – Nazym Qyzaıbaı men Angelına Lýkasty ýaqytsha shettetý máselesin qarastyrý;

-Sporttyq tártipti buzý faktileri boıynsha obektıvti tergeý júrgizip, 20 qyrkúıekke deıin Sport jáne dene shynyqtyrý isteri komıtetine ulttyq komandanyń básekege qabiletti quramyn jasaqtaý;

- Áıelder quramasy bas bapkeriniń raporty boıynsha, dopıngke qarsy ulttyq ortalyqtyń mamandaryn tarta otyryp, qurama komanda músheleriniń dopıng (tyıym salynǵan preparattar) qoldaný múmkindigine tekserý júrgizý;

- Komandadaǵy psıhologııalyq ahýaldy jaqsartý, janjalǵa jol bermeý úshin psıhologtardy, medıatorlardy tarta otyryp jumys júrgizýdi usyný.

«Ulttyq Olımpıada komıtetine bıyl 2 aqpanda qabyldanǵan №524/21-NSK eńbek shartynyń 5.3.18, 5.3.19 jáne 5.3.28-tarmaqtaryn buzǵany úshin Angelına Lýkasty tártiptik jaýapkershilikke tartý týraly máseleni qarastyrý jóninde sheshim qabyldaý úshin usynys jasaldy. Mádenıet jáne sport mınıstrligi aldaǵy ýaqytta osyndaı keleńsiz jaǵdaıǵa jol bermeý úshin federatsııalardyń bárine komandadaǵy tárbıelik jumysty kúsheıtý qajettigi týraly hat joldady. Sondaı-aq, bas bapker Erik Alǵabektiń ulttyq quramadaǵy baqylaýdy álsiretkenin atap ótý kerek. Bul komandadaǵy sporttyq tártipti júıeli túrde buzýǵa alyp keldi», - dep jazylǵan komıtettiń baspasóz qyzmeti taratqan aqparatta.


Joǵary qaraı