Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan Azııa chempıonaty: Altyn medal sany altyǵa jetti

2021 jyldyń 30 tamyz 2021 19:35

NUR-SULTAN. QazAqparat - Dýbaıda ótip jatqan bokstan jastar men jasóspirimder arasyndaǵy Azııa birinshiliginde búgin chempıon atanǵan qazaqstandyq sportshylar sany altyǵa jetti, dep habarlaıdy QazAqparat tilshisi.

Aıta keteıik, 2003-2004 jylǵy jasóspirimder arasynda uldar 10 salmaqta baq synaýda.

Budan buryn 48 kelide Sanjar Tashkenbaı, 54 kelide Nursultan Altynbek, 57 kelide Ábdikárim Ábdiǵalym, 60 kelide Erasyl Ermek altyn medalǵa qol jetkizgenin habarlaǵan edik.

Endi olardyń qataryna 63,5 kelide Elnur Súıinbaı men 67 kelide Abzal Serik qosyldy. Elnur úndistandyq Vanshadjdyń osal tusyn tapsa, Abzal ózbekstandyq Samandar Solıjonovty qapy qaldyryp ketti.

Endi qazaqstandyq boksshylar tórt salmaqta synǵa túsedi. Atap aıtqanda, 75 kelide Baqbergen Álıasqarov ırandyq Fardın Halıfelýmen sheberlik baıqasady.

Qalǵan úsh boksshynyń qarsylastary - ózbek boksshylary. Máselen, 86 kelide Temirlan Muqataev Dıerbek Ýralovpen, 92 kelide Mádı Ámirov Nýsratbek Tohırovpen, 92 keliden joǵary salmaqta Danııal Saparbaı Djahongır Zokırovpen sharshy alańǵa shyǵady.

Sondaı-aq, búgin 2003-2004 jyldarda dúnıege kelgen qyzdarda básekege túsedi. Qyzdar 7 salmaqta altyn medaldy sarapqa salady.

Eske salsaq, 29 tamyzda 2005-2006 jyldarda dúnıege kelgen jasóspirimder arasynda chempıondar anyqtaldy. Medaldar sany jóninen uldar men qyzdar da jalpy komandalyq esepte ekinshi oryn aldy.


Avtor Ádiljan Úmbet
Basty sózder: Qoǵam, Boks, Sport,
Joǵary qaraı