Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan Azııa chempıonaty: Qazaqstandyq qyzdar 13 medal jeńip aldy

2021 jyldyń 30 tamyz 2021 00:38

DÝBAI. QazAqparat - Birikken Arab ámirliginiń Dýbaı qalasynda ótip jatqan bokstan jastar men jasóspirimder arasyndaǵy Azııa birinshiliginde qazaqstandyq qyzdar on úsh medal aldy, dep habarlaıdy QazAqparat tilshisi.

Qurlyqtyq dodada Qazaqstan quramasy 4 altyn, 6 kúmis, 3 qola aldy. Jalpy komandalyq esepte ekinshi orynǵa taban tiredi.

Vıktorııa Baıdýkova (54 keli), Uljan Sársenbek (57 keli), Arýjan Jańabaeva (66 keli) jáne Úmit Ábilqaıyr (81 keli) chempıon atandy.

Vıktorııa Baıdýkova pen Úmit Ábilqaıyr úndistandyq Anchal Saını men Sanjanany tize búktirdi. Al Vıktorııa Baıdýkova men Arýjan Jańabaeva ózbekstandyq Gúldana Tileýbergenova men Sanobar Bozorboevanyń osal tusyn tapty.

Kúmis medal alǵandar qatarynda Eńlik Bostybaeva (50 keli), Tomırıs Myrzaqul (52 keli), Ásem Tańatar (60 keli), Áıgerim Qabdolda (63 keli), Aqjan Túrkistanova (75 keli) men Shuǵyla Rysbek (81 keliden joǵary) bar.

Qazaqstan quramasynan Elnur Turǵanova (46 keli), Anıta Adısheva (48 keli) ı Baqyt Seıdısh (70 keli) qola júldege qol sozdy.

Jalpy komandalyq esepte Úndistan birinshi orynǵa shyqty, olardyń enshisinde 6 altyn, 4 kúmis, 3 qola bar. Úzdik úshtikti 3 altyn, 3 kúmis, 5 qola medalmen Ózbekstan túıindedi.

Eske salsaq, budan buryn qazaqstandyq jasóspirim boksshylar 12 medal aldy.

Avtor Ádiljan Úmbet
Basty sózder: Boks, Sport,
Joǵary qaraı