Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan Azııa chempıonaty: Qazaqstandyqtar 50-ge tarta medal jeńip aldy

2021 jyldyń 31 tamyz 2021 01:45

NUR-SULTAN. QazAqparat - Dýbaıda ótip jatqan bokstan jastar men jasóspirimder arasyndaǵy Azııa birinshiliginde máresine jetti, dep habarlaıdy QazAqparat tilshisi.

Aıta keteıik, 2003-2004 jylǵy jasóspirimder arasynda uldar 10 salmaqta baq synady.

Buǵan deıin alty salmaqta qazaqstandyq sportshylar chempıon atanǵanyn habarlaǵan edik.

Olardyń qatarynda 48 kelide Sanjar Tashkenbaı, 54 kelide Nursultan Altynbek, 57 kelide Ábdikárim Ábdiǵalym, 60 kelide Erasyl Ermek, 63,5 kelide Elnur Súıinbaı men 67 kelide Abzal Serik bar.

Qazaqstandyq taǵy eki boksshy Baqbergen Álıasqarov (75 keli) pen Temirlan Muqataev (86 keli) altyn medal aldy.

Baqbergen Álıasqarov ırandyq Fardın Halıfelýdyń, Temirlan Muqataev ózbekstandyq Dıerbek Ýralovtyń osal tusyn tapty.

Al Mádı Ámirov (92 keli) pen Danııal Saparbaı (92 keliden joǵary) ózbekstandyq Nýsratbek Tohırov pen Djahongır Zokırovqa ese jiberip, kúmis júldeni qanaǵat tutty.

Sondaı-aq, Arman Almatuly (71 keli) men Dáýren Mamyr (80 keli) qola júldeni mise tutty.

Osylaısha qazaqstandyq boksshylar 8 altyn, 2 kúmis, 2 qola medal alyp, jalpy komandalyq esepte birinshi oryn aldy. Odan keıingi oryndardaǵy Ózbekstan (3-3-1) men Úndistan (2-3-4) trı serebrıanye ı chetyre bronzovye).tur.

Atalǵan jastaǵy qyzdarda fınalǵa shyqqan jeti boksshynyń úsheýi altyn aldy. Jeńimpaz tuǵyrynan Mılana Aıýpova (63 keli), Aıda Sarıbarova (81 keli) jáne Dıana Magaýııaeva (81 keliden joǵary) chempıon atandy.

Al kúmis júlde Aıshagúl Eleýbaeva (54 keli), Juldyz Shaıahmetova (60 keli), Gaýhar Shaıbekova (70 keli) jáne Dana Dıdaı (75 keli) syndy sportshylarǵa buıyrdy.

Al Gúlnaz Bóribaeva (48 keli), Gúlnar Turapbaı (50 keli), Hava Bolkoeva (52 keli, Shahnaz Isaeva (57 keli) jáne Anar Turynbek (66 keli) qola júlde aldy.

Aıta ketsek, 29 tamyzda 2005-2006 jylǵy jasóspirimder arasynda uldar 12, qyzdar 13 medal alǵan bolatyn.

Osylaısha barlyq júlde sany boıynsha jalpykomandalyq esepte Qazaqstan quramasy 19 altyn, 15 kúmis, 15 qola medalmen birinshi oryn aldy.

Odan keıingi oryndarda Ózbekstan (17-10-12) men Úndistan (14-14-11) tur.



Avtor Ádiljan Úmbet
Basty sózder: Boks, Sport, Azıada,
Joǵary qaraı