Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bolashaǵyn Qazaqstanmen baılanystyratyndar qarjysyn el ishinde ınvestıtsııalasyn - ekonomıst

2022 jyldyń 22 qańtar 2022 09:28

NUR-SULTAN. QazAqparat – Qazaqstandyq ekonomıst Oljas Qudaıbergenov elden shyǵarylatyn ofshorlar, jańa Qazaqstan ekonomıkasynyń damý bolashaǵy men bıznes, iri kompanııalardyń qyzmetine qatysty pikir bildirdi, dep habarlaıdy QazAqparat tilshisi.

«Endi bızneste ashyq jáne ádil oıyn erejeleri bolady. Jáne ádil oıyn monopolııaǵa qarsy kúres, memlekettik sektor men iri jeke sektorlarǵa da qatysty. Reformalar negizgi úsh baǵyt boıynsha júredi. Ol - sybaılas jemqorlyqqa qarsy kúres, sot júıesi jáne ákimshilik reforma. Barlyq jerde kadrlar jańarady, ózgeristiń negizi jeke sektordan jańa adamdardyń kelýine baılanysty. Sonymen qatar, memlekettik organdardyń jeke bıznes ókilderimen sheksiz sottasý tájirıbesi toqtatylady. Eger memlekettik organ birinshi ınstantsııada jeńilse, ary qaraı shaǵymdanbaýy yqtımal», - dedi Oljas Qudaıbergenov.

Onyń aıtýynsha, bıznes pen iri kompanııalardyń qarapaıym halyq qamyn oılaıtyn ýaqyty jetti.

«Aqshany ofshorǵa shyǵarýǵa tosqaýyl qoıylyp, elge kapıtaldy qaıtarý jumysy jandanady. Sonymen qatar «ishten taýyp – syrtta jumsaý» degen eski mádenıetti joıý kerek. Bolashaǵyn Qazaqstanmen baılanystyratyndar qarjysyn el ishinde ınvestıtsııalaýy kerek. Salyq tóleýden jaltarǵan iri kompanııalar muny toqtatýy tıis. Budan bylaı Úkimetpen qatar bıznes te el bolashaǵy úshin jaýapty. Іri kompanııalar «Qazaqstan halqyna» qoryna turaqty túrde qarjy aýdaratyn bolady», - deıdi ol.

Eske sala ketsek, Memleket basshysy elimizdiń iri bıznes ókilderimen kezdesý barysynda Úkimetke kapıtaldy elge qaıtarý jáne ofshorǵa qarjy shyǵarýǵa tosqaýyl qoıý jumysyn júktegen edi.

Sondaı-aq, Prezıdent otandyq ekonomıst aıtyp otyrǵan iri kompanııalardyń salyqtan jaltarý problemasyn da kóterdi.


Joǵary qaraı