Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

«Bolashaq» baǵdarlamasy: Barlyq kvotalar qysqarady, shet tiline qoıylatyn talap kúsheıedi

2020 jyldyń 29 mamyr 2020 17:16

NUR-SULTAN. QazAqparat - Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyq etýimen Shetelde kadrlar daıarlaý jónindegi respýblıkalyq komıssııanyń kezekti otyrysy ótti, dep habarlaıdy Aqordanyń baspasóz qyzmeti.

Komıssııa otyrysynda Bilim jáne ǵylym mınıstri Ashat Aımaǵambetovtiń Shetelde kadrlar daıarlaý jónindegi respýblıkalyq komıssııanyń hattamalyq tapsyrmalarynyń oryndalýy týraly esebi tyńdaldy, sondaı-aq, «Bolashaq» halyqaralyq stıpendııasyn iske asyrýǵa qatysty birqatar máseleler qaraldy.




Konkýrsqa qatysýǵa arnalǵan qujattar «Bolashaq» halyqaralyq stıpendııasyn taǵaıyndaý úshin úmitkerlerdi irikteýdiń jańa qaǵıdalaryna sáıkes qabyldanady. Qaǵıdalarda myna ózgerister kózdelgen: basym mamandyqtar tizbesi eńbek naryǵyndaǵy qajettilik boljamyn eskere otyryp qalyptastyrylady, aýyldyq eldi mekenderden shyqqan úmitkerlerdi qospaǵanda, úmitkerler «Bolashaq» halyqaralyq stıpendııasy sheńberinde usynylatyn sheteldik jetekshi joǵary oqý ornynan basym mamandyqqa oqý úshin shartsyz shaqyrý usyný, sheteldik joǵary oqý ornynan shartsyz shaqyrýy bar úmitker úshin GPA talaptaryn alyp tastaý, konkýrstyq irikteý kezeńderin alty týrdan úsh týrǵa deıin qysqartý, qoldanystaǵy barlyq kvotalyq sanattardy qysqartý, aǵylshyn tilinde aldyn ala tildik daıyndaý Qazaqstanda tek aýyldyq eldi mekenderden shyqqan úmitkerler úshin ǵana júzege asyrylatyn bolady. Bul rette shet tilin meńgerý deńgeıine qoıylatyn talaptar kúsheıtiledi.

Sonymen qatar, «Bolashaq» halyqaralyq stıpendııasyn iske asyrýdyń jańa tásilderi engiziledi. Jańa tásilder «Bolashaq» stıpendııasyna konkýrstyq irikteý tetikterin jetildirý men avtomattandyrýdy «Prezıdenttik jastar kadrlyq rezervine» irikteý tásili boıynsha júrgizýdi kózdeıdi.




Otyrys qorytyndysy boıynsha Qyrymbek Kósherbaev ásirese «Bolashaq» stıpendıanttarynyń oqý jáne eńbekpen óteý protsesine baqylaý men monıtorıng júrgizýdi kúsheıtý jáne Memleket basshysy Qasym-Jomart Toqaevtyń bıylǵy 27 mamyrda Ulttyq qoǵamdyq senim keńesinde belgilegen mindetterdi iske asyrý boıynsha birqatar naqty tapsyrma berdi.





Basty sózder: Bolashaq, Til, Qoǵam, Bilim,
Joǵary qaraı