Aýa raıy
Astana -14 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

«Bolashaq» baǵdarlamasy sheńberinde 2020 jyly oqýǵa usynylatyn sheteldik JOO-lar tizimi bekitildi

2020 jyldyń 17 shilde 2020 14:50

NUR-SULTAN. QazAqparat - «Bolashaq» baǵdarlamasy sheńberinde 2020 jyly oqýǵa usynylatyn sheteldik joǵary oqý oryndarynyń tizimi bekitildi, dep habarlaıdy QazAqparat «Halyqaralyq baǵdarlamalar ortalyǵy» AQ-nyń baspasóz qyzmetine silteme jasap.

QR Bilim jáne ǵylym mınıstriniń 2020 jylǵy 13 shildedegi № 295 Buıryǵymen 2020 jyly «Bolashaq» baǵdarlamasy sheńberinde oqýǵa usynylatyn sheteldik joǵary oqý oryndarynyń tizimi bekitildi.

«Bolashaq» halyqaralyq stıpendııasyn taǵaıyndaý úshin úmitkerlerdi irikteýdiń jańa erejelerine engizilgen ózgeristerdiń nátıjesinde sheteldik joǵary oqý oryndarynyń tizimi sapalyq jáne sandyq jaǵynan ózgerdi.

Tizimge QS World University Rankings, Academic Ranking of World Universities, Times Higher Education World University Rankings, the U. S. News & World Report Best Global University ranking halyqaralyq reıtıngteriniń keminde ekeýiniń TOP-100-digine kirgen joǵary oqý oryndary kirdi.

Tizimge sonymen qatar, The U.S. News & World Report Best Global University Ranking basylymynyń nusqasy boıynsha úzdik álemdik ýnıversıtetter reıtınginde keminde 65 ball jınaǵan Ekonomıkalyq yntymaqtastyq jáne damý uıymy (EYDU) elderiniń joǵary oqý oryndary endi.

Salystyratyn bolsaq, 2019 jyly usynylǵan sheteldik joǵary oqý oryndarynyń tiziminde 537 joǵary oqý orny bolsa, onyń 20% ǵana top-100 halyqaralyq reıtıngterine kirgen.

Sondyqtan, 2020 jylǵy tizimde elimizdiń qajettilikterine sáıkes baǵyttar boıynsha myqty bolyp sanalatyn álemniń jetekshi joǵary oqý oryndary usynylýda.

Usynylatyn sheteldik joǵary oqý oryndarynyń tizimimen «Halyqaralyq baǵdarlamalar ortalyǵy» AQ resmı saıtynda kelesi silteme boıynsha tanysýǵa bolady.



Basty sózder: JOO-lar, Bilim,
Joǵary qaraı