Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Bolashaq» baǵdarlamasyna qujat qabyldaý jalǵasyp jatyr

2021 jyldyń 28 qyrkúıek 2021 15:35

NUR-SULTAN. QazAqparat – Bolashaq» halyqaralyq stıpendııasyna úmitkerler úshin konkýrsqa qatysýǵa qujat qabyldaý merzimi aıaqtalǵansha 30 kún qaldy, dep habarlaıdy QazAqparat.

Qujat qabyldaý 4 mamyrdan 28 qazanǵa deıin eGov elektrondy úkimetiniń portaly arqyly júrgizilip jatyr.

2021 jyly «Bolashaq» baǵdarlamasy boıynsha bilim alýǵa 1055 stıpendııa bólingen.

Sonyń 445-i magıstratýra, doktorantýra, rezıdentýra jáne taǵylymdama baǵdarlamalary boıynsha úlestirildi.

110 grant densaýlyq saqtaý, mádenıet, sport salalary, pedagogtar, memlekettik qyzmetkerler, ınjener-tehnık mamandyqtaryna bólindi.

«Ǵalymdar» taǵylymdamasy sanaty boıynsha 500 stıpendııa bólindi.

Olar QR Prezıdenti Qasym-Jomart Toqaevtyń tapsyrmasyna sáıkes qazaqstandyq ǵalymdardyń álemniń jetekshi ǵylymı ortalyqtarynda taǵylymdamadan ótýin qamtamasyz etý úshin bekitildi.

«Osy jyly stıpendııa akademııalyq bilim alý úshin 80 mamandyq jáne taǵylymdamadan ótý úshin – 137 mamandyq boıynsha taǵaıyndalady. Tizimge «Inklıýzıvti bilim berý», «Vırýsologııa», «Ýrbanıstıka», «Jańa materıaldar tehnologııasy» sııaqty mańyzdy mamandyqtar engizilgen», - dep atap ótti «Halyqaralyq baǵdarlamalar ortalyǵy» AQ prezıdenti Aınur Qarbozova.

«Bolashaq» baǵdarlamasy boıynsha bilim alýǵa keńes etilgen oqý mekemeleriniń tiziminde 27 eldiń 207 sheteldik joǵary oqý orny bar.


Basty sózder: Bolashaq, Bilim, JOO-lar,
Joǵary qaraı