Aýa raıy
Astana 8 °S
Almaty 10 °S
valıýta baǵamy
USD 412.55
EUR 468.66
RUB 5.79
CNY 58.80

Bolashaq pedagogtar men doktoranttardyń stıpendııasy artady

2020 jyldyń 8 tamyz 2020 11:08

NUR-SULTAN. QazAqparat – Qazaqstanda pedagogıkalyq baǵytta oqıtyn stýdentter men doktoranttarǵa stıpendııa kólemi artady. Tıisti qujat Ashyq normatıvtik-quqyqtyq aktiler portalynda jarııa talqyǵa usynyldy, dep habarlaıdy QazAqparat tilshisi.

Shákirtaqy somasyn kóterýge Memleket basshysy Qasym-Jomart Toqaevtyń 2020 jylǵy 27 mamyrdaǵy Ulttyq qoǵamdyq senim keńesiniń úshinshi otyrysynda bergen tapsyrmasy negiz boldy.

«Joǵary bilimniń bilim berý baǵdarlamalaryn iske asyratyn bilim berý uıymdarynda daıarlaýdyń pedagogıkalyq baǵyttarynda oqıtyn stýdentterge – 42000 teńge», - delingen qujatta.

Al basqa mamandyqtardaǵy stýdentterge stıpendııa burynǵy 26 186 teńge somasynda beriledi.

Munymen qosa, doktoranttardyń stıpendııasy 150000 teńgege jetedi. Qazirgi kezde olarǵa 102 498 teńge somasynda berilip keledi.

Osy qaýly 2020 jylǵy 1 qyrkúıekten bastap qoldanysqa engiziledi.

Eske sala keteıik, bıyl mamyrda QR Prezıdenti Qasym-Jomart Toqaev pedagogıka mamandyqtarynyń stıpendııasyn 26 myń teńgeden 42 myń teńgege arttyrýdy tapsyrdy.

Sonymen qatar Prezıdent doktoranttardyń stıpendııasyn 150 myń teńgege deıin kóbeıtý qajettigin aıtqan edi.


Joǵary qaraı