Aýa raıy
Astana 17 °S
Almaty 22 °S
valıýta baǵamy
USD 385.16
EUR 425.95
RUB 6.01
CNY 54.51

Bolat Baqaýov ustazdarǵa qazaq tilinde oqytý sapasyn arttyrýdy tapsyrdy

2019 jyldyń 23 tamyz 2019 15:30

PAVLODAR. QazAqparat – Pavlodarda oblys basshysy Bolat Baqaýovtyń qatysýymen pedagogtardyń dástúrli tamyz konferentsııasy ótip jatyr, dep habarlaıdy QazAqparat pavlodarnews.kz saıtyna silteme jasap.

Bolat Baqaýov bilim berý salasynyń qyzmetkerlerin jańa oqý jylynyń bastalýymen quttyqtap, sátilik pen tabys tiledi.

«Ótken oqý jyly qýanyshqa toly boldy. «Ustazy jaqsynyń - ustamy jaqsy» demekshi, barlyǵymyz da ustazdardyń aldynan óttik. Bala tárbıesi besikten bastalady. Bizdiń basty maqsatymyz – keıingi urpaqqa ıgi dástúrdi dáripteý. Bul balalardy memlekettik tilde bilim beretin balabaqshalarǵa berýden bastalady. Jastarǵa ana tilinde bilim berý boıynsha jumysty jalǵastyrý kerek. Memlekettik til – ulttyń rýhanı tiregi », - dedi Bolat Baqaýov.




Oblys ákimi balalardy qazaq tilinde oqytý úshin mektep jasynan barynsha jaǵdaı jasaý týraly tapsyrmasyn eske saldy.

«Barlyq balabaqshalarda qazaq tilinde bilim beretin ólketaný kýrstary ashyldy. Ata-analardyń suranysy boıynsha ótken jyly qazaq tilindegi bilim beretin synyptar №3 jáne №8 gımnazııalarda ashylǵan. Úsh jyl ishinde barlyq pedagogtar qaýymdastyǵynyń aldynda eń úzdik tájirıbeler men tehnologııalardy qoldaný arqyly qazaq tilinde oqytý sapasyn arttyrýdy tapsyramyn. Ókinishke oraı, búginde balalar qazaq tilinde sóıleı qoımaıdy. Sondyqtan oqytý ádistemesin tolyǵymen qaıta qarastyrý kerek », - dedi aımaq basshysy.




«BİLİM JÁNE ǴYLYM» taqyrybyndaǵy tamyz keńesine 800-ge jýyq adam qatysýda. Onyń ishinde aýdandyq, qalalyq bilim berý bólimderiniń basshylary, bilim berý salasynyń ardagerleri, oblys basqarmalarynyń basshylary, JOO rektorlary, bilim berý mekemeleriniń dırektorlary men ustazdary jáne jas mamandar bar.


Basty sózder: Pavlodar oblysy, Ákim, Bilim, Aımaq,
Joǵary qaraı