Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Bolat Tilepov: Ózara kómek pen áriptestik – azamattyq qoǵam qurýdyń basty talaby

2020 jyldyń 26 qarasha 2020 12:10

NUR-SULTAN. QazAqparat – Azamattyq qoǵam qurýdyń negizgi talaby – ózara kómek pen áriptestik. Bul pikirdi Donorlar forýmynda QR Aqparat jáne qoǵamdyq damý vıtse-mınıstri Bolat Tilepov aıtty, dep habarlaıdy QazAqparat tilshisi.

«Azamattyq qoǵamnyń damýyndaǵy úkimettik emes uıymdardyń qyzmeti – qashanda ózekti taqyryp. Bul oraıda, kún sanap jańaryp jatqan qazirgi kezeń úshin qoǵamdyq uıymdardyń róli tipti de erekshe. Árıne, bul rette qoǵamnyń áleýmettik-mańyzdy máselelerin sheshýdegi memleket pen úkimettik emes uıymdar arasyndaǵy ǵana emes, halyqaralyq uıymdar men bıznes ókilderi arasyndaǵy da áriptestikke artylar senim zor. Óıtkeni, ózara kómek pen áriptestik – bárimiz maqsat etken Azamattyq qoǵam qurýdyń negizgi talaby», - dep atap ótti B. Tilepov «Qazmedıa» ortalyǵynda ótken forýmnyń ashylýynda.

Spıker bıyl eldegi úkimettik emes sektordy damytýdyń jańa vektoryn qamtıtyn Azamattyq qoǵamdy damytý tujyrymdamasy qabyldanǵanyn eske saldy.

«Onyń basty maqsaty – azamattyq qoǵamdy damytýǵa qolaıly jaǵdaı jasaý jáne memleket pen qoǵamnyń ózara is-qımylynyń tıimdi joldaryn qamtamasyz etý. Kontseptsııada halyqaralyq uıymdarmen yntymaqtastyqty nyǵaıtý, qaıyrymdylyq qyzmetke qatysatyn bıznes-qurylymdar men azamattar úshin áleýmettik jáne ekonomıkalyq sharalar qabyldaý arqyly qaıyrymdylyqty yntalandyrý máseleleri qamtylǵan», - deıdi vıtse-mınıstr.

Aıta keteıik, forýmdy QR Aqparat jáne qoǵamdyq damý mınıstrliginiń qoldaýymen Azamattyq bastamalardy qoldaý ortalyǵy uıymdastyrǵan. Forým qorytyndysy boıynsha Qazaqstannyń IX Azamattyq forýmynyń qarar jobasyna usynystar men usynymdar ázirlenedi.

Buǵan deıin QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet «Qaıyrymdylyq týraly» zańǵa engiziletin ózgeristerdi aıtyp bergen edi.


Joǵary qaraı