Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bolgarııadaǵy jol apatynan qaza tapqandar sany 45-ke jetti

2021 jyldyń 26 qarasha 2021 19:33

SOFIıA. QazAqparat – Bolgarııanyń Ulttyq tergeý qyzmeti men prokýratýrasynyń tergeýshileri juma kúni janyp ketken avtobýstyń ishin qosymsha tekserý kezinde 45-shi adamnyń múrdesin tapty. Olar Bolgarııada makedonııalyq avtobýstyń apatqa ushyraýyna baılanysty qylmystyq isti tergeýmen aınalysyp jatyr. Bul týraly BTV telearnasy málim etti, dep habarlaıdy QazAqparat.

Beısenbi kúni prokýratýra ókilderi brıfıngide oqıǵa ornynda 44 adamnyń denesiniń tabylǵany jáne jeti adamnyń aýrýhanaǵa jatqyzylǵany týraly málimdegen boltyn. Shekara qyzmetiniń derekterine sáıkes, Bolgarııaǵa kirer kezde avtobýstyń ishinde 52 adam bolǵan.

Soltústik Makedonııa avtobýsy seısenbi kúni túnde «Stýrma» avtomagıstraliniń 31-shi shaqyrymynda Bolgarııa astanasyna jaqyn jerde apatqa ushyraǵan. Aldyn ala derekter boıynsha, Týrkııadan Skopege baǵyt alǵan týrıstik avtobýs ylǵal joldyń ústinde birinshi jol qorshaýyna soǵyp, odan keıin órtengen. Apattyń mán-jaıy zerttelip jatyr, ázirge negizgi nusqa – júrgizýshiniń qateligi.


Basty sózder: Álem, Oqıǵa, Kólik,
Joǵary qaraı