Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Boranda adasyp, tórt táýlik dalada túnegen eki aqmolalyq aman tabyldy

2022 jyldyń 14 qańtar 2022 19:10

KÓKShETAÝ. QazAqparat - Boranda adasyp, tórt táýlik boıy dalada túnegen Aqmola oblysynyń eki turǵyny aman tabyldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, bıylǵy jylǵy 7 qańtarda Shortandy aýdandyq PB kezekshi bólimine sharýa qojalyqtarynyń biriniń basshysy habarlasyp, eki jumysshynyń dalada joǵalyp ketkenin aıtty.

Sharýa qojalyǵy basshysynyń sózinshe, 4 qańtar kúni eki jumysshy aýa raıynyń qolaısyzdyǵyna qaramastan, qarda júretin kólikpen jylqy izdeýge shyqqan. Bireýi Nur-Sultan qalasynyń, ekinshisi Tselınograd aýdanynyń turǵyny.

«Jedel izdestirý barysynda aýdandyq polıtsııa bóliminiń qyzmetkerleri kapıtan Arman Mamınov pen maıor Rústem Sadyqov Shortandy aýdanynyń Klıýchı aýylynan 20 shaqyrym jerden joǵalǵan adamdardy tapty. Anyqtalǵandaı, jumysshylar qarda júretin kóligi jolda isten shyqqan soń, jaıaý tartqan. Aqtútek boranda olar balyqshylardyń kúrkesine kezigip, sonda kómek kelgenshe tórt táýlik túnep shyqqan», - dedi vedomstvodan.


Avtor Aslan Ospanov
Basty sózder: Qoǵam, QR ІІM, Oqıǵa, Aqmola oblysy,
Joǵary qaraı