Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Boryshker» operatsııasy: Almatyda aıyppul tólemegenderdiń kóligin tartyp alady

2021 jyldyń 20 qyrkúıek 2021 15:13

ALMATY. QazAqparat - Almatyda jol erejesin buzǵany úshin aıyppul tólemeıtinderge tekserý bastaldy, dep habarlaıdy QazAqparat tilshisi.

Almaty qalalyq Polıtsııa departamentiniń málimetinshe, qalada «Boryshker» jedel-aldyn-alý sharasy júrip jatyr.

«Quqyq buzýshylyqqa nóldik tózbeýshilik» qaǵıdasyn júzege asyrý, buzýshylyq úshin jazanyń mindetti túrde bolatynyn jáne ákimshilik aıyppuldardy óndirý tıimdiligin arttyrý maqsatynda Almaty polıtsııasy «Boryshker» jedel-aldyn-alý is-sharasyn júrgizýde. Jol qozǵalysy kóp jerlerde sharany ótkizýge jol-patrýldik polıtsııasynyń avtokólik ekıpajy qatysady. Ákimshilik aıyppuldar boıynsha bereshegi bar boryshkerlerdi avtomatty túrde esepteıtin «JQQ» AAJ jáne «Sergek» AÓK de qoldanylady»,- dep habarlady polıtsııadan.

Quqyq buzýshynyń kóligi mamandandyrylǵan aıyppul turaǵyna qoıylady.

«Josparlanǵan kezeńdik is-shara, shekteýleri bar adamdar men kólik quraldaryn anyqtaýǵa, sondaı-aq, ákimshilik quqyq buzýshylyq týraly is boıynsha mindettemelerdi erikti túrde, zańmen belgilengen merzimde oryndamaǵan adamdardy anyqtaýǵa baǵyttalǵan. Qozǵalyp kele jatqan kólik aǵynynyń arasynda júıe quqyq buzýshynyń kóligin anyqtaıtyn bolsa, ınspektor kólikti toqtatady jáne toqtaý sebebin túsindiredi. Sodan keıin quqyq buzýshynyń kóligi mamandandyrylǵan aıyppul turaǵyna qoıylady. Turý ornynda Qazaqstan Respýblıkasynyń Ákimshilik quqyq buzýshylyq týraly Kodeksine sáıkes tárkileý hattamasy jasalady. Mundaı ákimshilik sharalar quqyq buzýshylardyń zańdy mindettemelerdi ýaqytynda oryndaýyna tıimdi áser etedi dep esepteımin», – dedi Almaty qalalyq PD Ákimshilik polıtsııa basqarmasynyń bastyǵy Nurlan Amanbek.

Sondaı-aq, is-sharaǵa Óńirlik jeke sot oryndaýshylar palatasynyń sot oryndaýshylary men Almaty qalasy prokýratýrasynyń qyzmetkerleri qatysady.


Avtor Alma Muqanova
Basty sózder: Almaty, Kólik,
Joǵary qaraı