«Boxam» týrnıri: Qorjynda 4 medal, Vasılıı Levıt - fınalda

KASTELЬON. QazAqparat - Búgin Ispanııanyń Kastelon qalasynda bokstan «Boxam» halyqaralyq týrnıriniń jartylaı fınaldyq kezdesýleri ótti. Onyń nátıjesinde qazaqstandyqtar 4 medal jeńip aldy, dep habarlaıdy QazAqparat Olympic.kz saıtyna silteme jasap.

Jartylaı fınaldyq kezdesýlerin 5 boksshymyz ótkizdi:

57 kelide sharshy alańǵa shyqqan Serik Temirjanov Pýerto-Rıko sportshysy Djean Paýlǵa ese jiberdi. Nátıjesinde, jarysty jartylaı fınaldan toqtatyp, qola júldeger atandy.

69 kelide judyryqtasqan Abylaıhan Júsipov el qorjynyna ekinshi qolany saldy. Ol úndistandyq Vıkas Krıshannan jeńildi.

81 kelige deıingi salmaq dárejesinde synǵa túsken Bekzad Nurdáýletov te jartylaı fınalda súrindi. Ol ıtalııalyq Forı Sımoneden utylyp, qola júldeni qanaǵat tutty.

91 keliden joǵary salmaqta ıspanııalyq Aıýb Gadfa Drıssı el-Aıssaýı otandasymyz Nurlan Saparbaıdan basym tústi. Sportshymyz qorjyndy taǵy bir qolamen tolyqtyrdy.
91 kelidegi Vasılıı Levıt fınalǵa joldama aldy. Jartylaı fınalda ol lıtvalyq Tamasaýkas Tadasty utty.

Buǵan deıin fınalǵa 52 kelidegi Mahmud Sabyrhan shyqqan bolatyn.

Fınaldyq jekpe-jekter 5 naýryz kúni ótedi.