Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Búgin fýtboldan Qazaqstan chempıonaty qaıta jalǵasady

2020 jyldyń 1 shilde 2020 14:45

NUR-SULTAN. QazAqparat - Búgin elimizde fýtboldan Premer-lıga komandalary arasyndaǵy Qazaqstan chempıonatynyń úshinshi týr oıyndary ótedi, dep habarlaıdy QazAqparat tilshisi.

Esterińizge sala ketelik, koronavırýs pandemııasyna baılanysty 15 naýryzdan keıin elimizde dop dodasy belgisiz merzimge keıinge shegerildi. Sol ýaqyt aralyǵynda qarjy máselesine oraı Pavlodardyń «Ertis» komandasy chempıonat oıyndaryn jalǵastyrýdan bas tartty. Endi dop dodasynda barlyǵy 11 komanda baq synaıtyn bolady.

Qazir týrnır kestesinde úsh oıynnan keıin 7 upaımen «Astana» komandasy kósh bastap keledi. Odan keıingi oryndaǵy «Qaırattyń» 6, «Tobyldyń» 4 upaıy bar.

Búgin «Qaırat» pen «Jetisý», «Tobyl» men «Kaspıı», «Ordabasy» men «Shahter», «Qyzyljar» men «Oqjetpes», «Qaısar» men «Taraz» komandalary kezdesedi.

Jaqynda ótken Qazaqstan fýtbol federatsııasy (QFF) jáne Qazaqstan kásipqoı fýtbol lıgasy (QKFL) fýtbol ınspektorlarymen beınekonferentsııada birqatar máseleler talqylandy. Onda chempıonatty ótkizý tártibi naqtylandy .




Endi sanıtarlyq nusqaýdyń qatań talaptaryna saı oıyn kezinde jankúıerlerge stadıonǵa kirýge bolmaıdy. Oıyn kezinde qyzmet etetin qyzmetkerlerdiń sany talaptarǵa saı shekteledi. Atalǵan qatań erejeler komanda ókilderine jáne oıynǵa qatysatyn fýtbolshylarǵa da qatysty bolmaq.

Qosalqy oıynshylar otyratyn jerde tek qana komandanyń bas bapkerine, onyń kómekshisine jáne dárigerdiń bolýyna ruqsat etiledi. Qosalqy quram oıynshylary 2-3 metr araqashyqtyq saqtap, óz komandalary otyratyn oryndyqtardyń artyndaǵy trıbýnada otyrýǵa ruqsat etiledi. Olar maska jáne medıtsınalyq qolǵap kııýi tıis.

Oıyn aldynda sapqa turý rásimi bolmaıdy, negizgi quram oıynshylary stadıondaǵy sheshinetin bólmeden tikeleı fýtbol alańyna shyǵady. Komandalarǵa 5 oıynshy almastyrýǵa ruqsat etiledi. Biraq oıyn barysynda kezdesýdi tek 3 ret toqtatýǵa bolady. Qosalqy quramnyń oıynshylar tizimine endi 12 adamdy kirgizýge bolady.

Sondaı-aq, fýtboldan birinshi lıganyń oıyn kúntizbesi belgili boldy.


Avtor Ádiljan Úmbet
Basty sózder: Sport,
Joǵary qaraı