Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Búgin fýtzaldan Eýropa chempıonatynyń jerebe rásimi ótedi: Qazaqstan 1-sebette

2021 jyldyń 18 qazan 2021 00:50

NUR-SULTAN. QazAqparat - Búgin, 18 qazan kúni Nıderlandynyń Zeıst qalasynda fýtzaldan 2022 jylǵy Eýropa chempıonatynyń jerebe tartý rásimi ótedi. Shara elorda ýaqytymen 22:00-de bastalady, dep habarlaıdy QazAqparat QR Fýtbol federatsııasyna silteme jasap.

Nıderland alǵash ret fınaldyq kezeńdi qabyldaıdy

Fýtzaldan EÝRO-2022 chempıonaty eń úlken jarys bolmaq. Eýropa fınalynda alǵash ret 16 (buǵan deıin 12 bolǵan) synǵa túsedi. 19 qańtar men 6 aqpan aralyǵynda Amsterdam jáne Gronıngen qalalarynda 32 match oınalady. Ár top tórt komandadan turady.

Jarys ıesi Nıderland quramasy EÝRO-2022 fınaldyq kezeńine tikeleı joldama aldy. Qalǵan elderdiń ishinde Portýgalııa (EÝRO-2018 jeńimpazy), Qazaqstan, Ázerbaıdjan, Bosnııa men Gertsegovına, Horvatııa, Fınlıandııa, Grýzııa, Italııa, Polsha, Reseı, Slovakııa, Slovenııa, Ispanııa jáne Ýkraına. Serbııa men Belarýs quramalary qurlyq dodasyna sońǵy joldamasyn 14 jáne 17 qarasha aralyǵynda sarapqa salady.

ÝEFA EÝRO-2022 fınaldyq kezeńi jerebesiniń sebetterin bekitti. Jerebe 4 qazanda jarııalanǵan reıtıng boıynsha tartylady. Qazaqstan quramasy Ispanııa, Reseı jáne Portýgalııa quramalarymen birge 1-sebetke tústi.


1-sebet
Ispanııa
Reseı
Portýgalııa
Qazaqstan

2-sebet
Horvatııa
Ázerbaıdjan
Serbııa/Belarýs
Italııa

3-sebet
Ýkraına
Slovenııa
Bosnııa jáne Gertsegovına
Polsha

4-sebet
Fınlıandııa
Slovakııa
Grýzııa
Nıderland

Jerebe tartý rásimin UEFA.tv arqyly 18 qazan kúni 22:00-de tikeleı efırde kórýge bolady.

Sharaǵa Qazaqstan fýtbol federatsııasy fýtzal departamentiniń dırektory Asqar Ábildaev, QFF Halyqaralyq qatynastar dırektorynyń orynbasary Ýálıhan Baıtaqov jáne fýtzaldan Qazaqstan ulttyq quramasynyń bas bapkeri Paýlo Rıkardo Kaka qatysady.

Bıletter satylymy

Jerebe tartylǵan soń kelesi kúni barlyq oıyndardyń bıletteri satylymǵa shyǵady. Matchtar Amsterdam qalasyndaǵy Ziggo Dome (syıymdylyǵy - 10500) jáne Gronıngen qalasyndaǵy Martiniplaza (syıymdylyǵy - 3900) arenalarynda ótedi. Bıletterdiń baǵasy 10 eýrodan bastalady. Olardy knvb.com/futsaleuro jáne futsaleurotickets.knvb.nl saıttarynan satyp alýǵa bolady.

Fýtzaldan Eýropa chempıonaty 2022 jyldyń 19 qańtarynda bastalady. Fınal 6 aqpan kúni Amsterdamda ótedi.


Basty sózder: Sport, Qoǵam, Fýtbol,
Joǵary qaraı