Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Búgin - halyqaralyq otbasy kúni

2021 jyldyń 15 mamyr 2021 10:00

NUR-SULTAN. QazAqparat - 15 mamyr - halyqaralyq otbasy kúni. Ataýly data 1993 jyldan bastap BUU Bas Assambleıasynyń qararyna sáıkes jyl saıyn atap ótiledi.

Bul kúndi belgileý – otbasyndaǵy kóptegen problemalarǵa eldegi qoǵamnyń nazaryn aýdara túsý maqsatyn kózdeıdi.

BUU sarapshylarynyń pikiri boıynsha, bir otbasyndaǵy negizgi quqyqtarǵa kóz juma qaraý, ondaı problemalardy elemeı, quqyqty belden basý – tutastaı adamzattyq otbasyna da qaýip tóndire túsedi.

Bul kúndi belgileý álemdik qaýymdastyqtyń otbasynyń qazirgi jaǵdaıy men onyń qoǵam ómirindegi jáne óskeleń urpaq tárbıesindegi mańyzyna alańdaýshylyq týǵyzýyna oraı júzege asyp otyr.

Adam ómiri otbasynan bastalady, azamat bolyp qalyptasýy da osynda órbıdi.

Otbasy - súıispenshiliktiń, qurmet pen yntymaqtastyqtyń oshaǵy, ıaǵnı kez kelgen zııaly qoǵamnyń dińgegi. Otbasynyń aman-saýlyǵy - ár eldiń damýy men kelesheginiń ólshemi.

Otbasy – tabıǵat syılaǵan keremetterdiń biri. Jeke adamnyń boıyndaǵy ar-uıatyn, aqyl-oıyn ,adamgershiligin , mádenıettiligin tárbıeleýde otbasy – alǵashqy qadam.

Otbasy – óte qajet, basqadaı esh nársemen ózgertýge bolmaıtyn baspaldaq.

Otbasynda adam boıyndaǵy asyl qasıetter jarqyraı kórinip, qalyptasady.

Otanǵa degen ystyq sezim – jaqyndaryna, týǵan-týysqandaryna degen súıispenshilikten bastalady.

Sol sebepti de biz otbasyn Otannyń kishkentaı bir bólshegi retinde qarastyramyz.


Avtor Zarına Qaharman
Basty sózder: BUU, Halyqaralyq uıymdar, Qoǵam,
Joǵary qaraı