Búgin Qazaqstannyń 8 qalasynda aýa lastanady

NUR-SULTAN. QazAqparat – Búgin Qazaqstannyń 8 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RMK-na silteme jasap.

«2022 jylǵy 15 sáýirde Nur-Sultan, Almaty, Qaraǵandy, Temirtaý, Shymkent, Rıdder (1-dárejeli), Semeı (1-dárejeli), Óskemen (1-dárejeli) qalalarynda qolaısyz meteorologııalyq jaǵdaılar qalyptasýy yqtımal»,-delingen habarlamada.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.