Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Búgin mashına jasaý kúni

2021 jyldyń 26 qyrkúıek 2021 08:32

NUR-SULTAN. QazAqparat – Búgin elimizde mashına jasaý kúni atalyp ótilýde, dep habarlaıdy QazAqparat.

Bul ataýly kún qyrkúıektiń sońǵy jeksenbisinde atap ótiledi. Kásibı mereke alǵash ret 1981 jyly, KSRO kezinde toılanǵan. Keńes odaǵy taraǵannan keıin bul merekeni Belarýs, Qyrǵyzstan, Reseı de óz kúntizbelerinde qaldyrdy.

2017 jylǵy 31 qazanda sol kezdegi Qazaqstan Respýblıkasynyń Premer-Mınıstri Baqytjan Saǵyntaev QR Úkimetiniń № 689 qaýlysyna qol qoıdy. «Qazaqstan Respýblıkasyndaǵy merekelik kúnderdiń tizbesin bekitý týraly» atalǵan qaýlyda qyrkúıektiń sońǵy jeksenbisi Mashına jasaýshy kúni retinde bekitilgen.

Aıta keteıik, osy jyldyń 8 aıynda elimizde mashına jasaý kólemi ótken jylmen salystyrǵanda 24 paıyzǵa ósip, 1,4 trln teńgeni qurady. Jyl sońyna deıin bul soma 2 trln teńgeden asyp túsedi degen boljam bar. Búginde elimizde 3 myńnan astam mashına jasaıtyn kásiporyn bar jáne onda 119 myńǵa jýyq adam jumys isteıdi. Jalpy, atalǵan salany ındýstrııalandyrýdyń sońǵy 10 jylynda 400 mlrd teńgeniń 135 jobasy júzege asyryldy. 2025 jylǵa deıin 160 mlrd teńgege taǵy 14 jobany iske asyrý josparlanyp otyr.


Joǵary qaraı