Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Búgin Otan qorǵaýshy kúni

2021 jyldyń 7 mamyr 2021 07:30

NUR-SULTAN. QazAqparat - 7 mamyr - QR Qarýly Kúshteriniń qurylǵan kúni. Bul kúndi qazaqstandyqtar Otan qorǵaýshy kúni retinde atap ótedi, dep habarlaıdy QazAqparat.

1992 jylǵy 7 mamyrda Memlekettik qorǵanys komıteti Qazaqstan Respýblıkasynyń Qorǵanys mınıstrligi bolyp qaıta quryldy. Dál osy kúni Elbasy N.Á.Nazarbaevtyń Jarlyǵymen Qazaqstan Respýblıkasynyń Qarýly Kúshteri quryldy. Bul kún elimizde memlekettik mereke jáne demalys kúni sanalady.

1991 jyly 25 qazanda Qazaqstan Prezıdentiniń Jarlyǵymen Qazaq SSR Memlekettik qorǵanys komıteti quryldy. Keıin ol Qazaqstan Respýblıkasynyń Qorǵanys mınıstrligi bolyp qaıta quryldy. 1992 jyldyń 7 mamyrynda QR Prezıdenti bolǵan Nursultan Nazarbaevtyń arnaıy Jarlyǵy shyqty. Bul Jarlyq boıynsha, respýblıka aýmaǵyndaǵy KSRO Qarýly Kúshteriniń quramyndaǵy mekemeler, bólimder, quramalar Qazaqstan Respýblıkasynyń quzyretine berildi. Joǵarǵy Bas Qolbasshy retinde Qarýly kúshterdi basqarýdy Prezıdent óz moınyna aldy. Prezıdentten basqa qorǵanys isimen tikeleı shuǵyldanatyn alǵashqy Qorǵanys mınıstri qyzmetine general-polkovnık Saǵadat Nurmaǵambetov taǵaıyndaldy.

Aıta keteıik, Otan qorǵaýshylar kúni merekesine oraı QR Prezıdentiniń Jarlyǵymen Joǵary áskerı jáne arnaýly ataqtar, synyptyq shender jáne biliktilik synyby tapsyryldy.

Sondaı-aq Memleket basshysy áskerıler men quqyq qorǵaý organynyń qyzmetkerlerine ordender men medaldar tapsyrdy.


Basty sózder: Ásker, Qoǵam,
Joǵary qaraı