Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Búgingi saılaý bolashaq ákimderdi halyqqa bir taban jaqyndatady - qoǵam belsendisi

2021 jyldyń 25 shilde 2021 10:52

NUR-SULTAN. QazAqparat – Búgin saılaýǵa túsip jatqan úmitkerler saılaýaldy baǵdarlamalaryn daıyndaý arqyly jergilikti problemalardyń sebebine úńilip, halyqtyń jaǵdaıymen etene tanysty.

«Partııalyq emes baıqaý ortalyǵy» respýblıkalyq qoǵamdyq birlestiniń Qostanaı oblystyq fılıalynyń óńirlik kapıtany, «El erteńi» jastar qoǵamdyq birlestiginiń tóraǵasy Bolat Qalıev osy jaıttyń ózin ákim saılaýynyń jaǵymdy tusy dep esepteıdi.

«Bul saılaý – elimizdiń demokratııalyq damý turǵysynan qaraǵanda óte mańyzdy qadam. Óıtkeni bul jerde úsh mańyzdy baǵyt bar. Birinshi mańyzdylyǵy – ákimder saılaý aldyndaǵy baǵdarlamasy arqyly halyqqa bir taban jaqyndady. Halyqtyń múddesin qorǵaý baǵytynda búkil problemalardy zerttep, sonyń negizinde ózderiniń baǵdarlamalaryn qurdy», - deıdi sarapshy.

Beıtarap baqylaýshylar ókili ótip jatqan saılaýdyń arqasynda halyq óz daýsynyń, saılaý protsesiniń mańyzdylyǵyn taǵy bir ret uǵynýǵa múmkindik aldy dep otyr.

«Úshinshi mańyzdylyǵy baıqaýshylarmen baılanysty. Azamattyq turǵydan belsendi baıqaýshylarymyz jaı ǵana baıqaý protsesine qatysyp qoımaı, ózderiniń kásibı sheberlikterin shyńdap, zańnama turǵysynan ózderin damytýda. Sondyqtan bul saılaý protsesi elimiz úshin óte mańyzdy. Búgingi saılaý protsesine 65 saılaý okrýginde «Partııalyq emes baıqaý ortalyǵynyń» Qostanaı oblystyq fılıanynan 400-ge jýyq baıqaýshy qatysyp jatyr. Osy ortalyq atynan saılaýdyń ádil ári ashyq ótýine óz úlesimizdi qosyp jatyrmyz», - dedi Bolat Qalıev.


Avtor Esimjan Naqtybaı
Basty sózder: Ákim saılaýy, Ákim, Saılaý,
Joǵary qaraı