Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Búgingi jetistikterimizdiń bári Táýelsizdiktiń jemisi – Máýlen Áshimbaev

2021 jyldyń 15 qazan 2021 10:25

NUR-SULTAN. QazAqparat – Búgingi jetistikterimizdiń bári Táýelsizdiktiń jemisi. Bul týraly QR Parlamenti Senatynyń Tóraǵasy Máýlen Áshimbaev aıtty, dep habarlaıdy QazAqparat tilshisi.

«Búgingi forým Qazaqstan Táýelsizdiginiń 30 jyldyǵyna arnalyp otyr. Táýelsizdik bizdiń eń basty qundylyǵymyz, ata-babamyzdyń san ǵasyr ańsaǵan asyl armany. Búgingi jetistikterimizdiń bári osy Táýelsizdiktiń jemisi. Egemendiktiń arqasynda tilimiz ben dilimizdi, tarıhymyz ben dástúrimizdi, mádenıetimiz ben rýhanııatymyzdy jańǵyrttyq. 30 jyldyń ishinde júıeli áleýmettik-ekonomıkalyq jáne saıası reformalardy júzege asyryp, memlekettilikti myzǵymastaı etip qalyptastyryq. Búginde dúnıejúzi Qazaqstandy turaqty, álemdik arenada abyroı-bedelge ıe, dostyqqa berik el retinde tanıdy», - dedi Senat spıkeri Qazaqstan áleýmettanýshylarynyń VII kongresinde.

Onyń atap ótýinshe, munyń bári QR Tuńǵysh Prezıdenti – Elbasy Nursultan Nazarbaevtyń strategııalyq saıasatynyń nátıjesi ekeni sózsiz. Osy saıasattyń sabaqtastyǵyn qamtamasyz etip, elimizdi jańa belesterge shyǵarý úshin QR Prezıdenti Qasym-Jomart Toqaevtyń basshylyǵymen júıeli jumystar júzege asyryp jatyr.

«Bizdiń aldaǵy maqsat-múddemiz aıqyn. Basty mindet - eldigimizdi eńseletý jáne Táýelsizdigimizdi odan ary nyǵaıtý. Osy jolda búgingideı basqosýlardyń da mańyzy zor. Búgin aıtylǵan pikirler men usynystar eldikmúddege ıgi áserin tıgizedi dep senemin», - dedi Máýlen Áshimbaev.


Joǵary qaraı