Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Buqtyrma sý qoımasy arqyly ótetin kópir qurylysy qalaı júrgizilýde

2021 jyldyń 24 aqpan 2021 14:32

ÓSKEMEN. QazAqparat – Shyǵys Qazaqstan oblysynda Buqtyrma sý qoımasy arqyly ótetin kópir qurylysy júrgizilip jatyr, dep habarlaıdy QazAqparat tilshisi.

Prezıdent Qasym-Jomart Toqaevtyń tapsyrmasymen Shyǵys Qazaqstandaǵy Kúrshim men Kókpekti aýdandaryn jalǵaıtyn «Qyzyl tý» ótkeline kópir salynatyny belgili. Bıyl osy maqsatta oblystyq bıýdjetten 1 mlrd teńge bólingen bolatyn.

«Kópir qurylysy boıynsha ótken konkýrstyń jeńimpazy atanǵan «OblShyǵysJol» JShS búgingi tańda aınalma jol, geodezııalyq jáne elektr jelilerin tartý boıynsha jumystar júrgizýde. Endigi kezekte tehnıkalyq jol salynyp jatyr. Atalǵan jumystarǵa qajetti arnaıy tehnıkalar bazasy uıymdastyrylyp, kópir qurylysyna tartylatyn jumysshylarǵa 250 oryndyq jataqhana qalashyǵy salynbaq», - dedi Kúrshim aýdanynyń ákimi Dýlat Qajanov.

Onyń aıtýynsha, Qazaqstandaǵy eń uzyn kópir bolyp esepteletin bul nysannyń qurylysyna jergilikti jumys kúshi de kóptep tartylady.

«Qazaq taǵylymynda kópir salý qasıetti is ekenin eskersek, osy jobanyń ıgiligin kóretin kún de alys emes. Kópir qurylysyn salý boıynsha jumystar bekitilgen josparǵa sáıkes atqarylatyn bolady», - dedi Dýlat Qajanov.



Joǵary qaraı