Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Buqtyrmada Qazaqstandaǵy eń uzyn kópirdiń qurylysy bastaldy

2021 jyldyń 16 maýsym 2021 17:07

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov qurylysy bastalǵan Buqtyrmadaǵy kópirdiń kapsýlasyn salý saltanatty rásimine qatysty, dep habarlaıdy QazAqparat tilshisi.

Prezıdent Qasym-Jomart Toqaevtyń tapsyrmasyna sáıkes Shyǵys Qazaqstan oblysy Kúrshim aýdanynda Buqtyrma sý qoımasy arqyly ótetin kópir qurylysy bastalǵan.

Eki jolaqty avtokólik kópiri Quıǵan aýylynyń janyndaǵy jasandy sý qoımasynyń eni eń jińishke ýchaskesinde salynady.

Kópirdiń uzyndyǵy 1,3 shaqyrymnan asady. Kúrshim men Kókpekti aýdandaryn jalǵaıtyn jobanyń merdigeri – «OblShyǵysJol» JShS.




Qurylys jumystary 2024 jylǵa deıin aıaqtalady dep josparlanýda.

«Buqtyrma sý qoımasy arqyly ótetin kópir qurylysy - oblys turǵyndary úshin kópten kútken mańyzdy oqıǵa. Osy joba shekaralas aýdandardy oblystyń basqa óńirlerimen baılanystyrady, jolaýshylar men júk tasymalyn jeńildetedi. Sondaı-aq kópir shalǵaıdaǵy eldi mekender halqynyń ómir súrý sapasyn jaqsartýǵa yqpal etip, oblys ekonomıkasyn odan ári damytýǵa jańa múmkindikter ashady», - dedi Danıal Ahmetov.







Saltanatty rásimde jurtshylyq atynan sóz alǵan Kúrshim aýdanynyń qurmetti azamaty, aqsaqaldar keńesiniń tóraǵasy Nursovet Qaıyrov qurylysshylarǵa tabys tilep, shalǵaıdaǵy aýyl turǵyndarynyń máselesine nazar aýdarǵan el basshylyǵyna alǵys aıtty.

«Táýelsizdik alǵan jyldary toqyrap turǵan barlyq salanyń boıyna birtindep qajyrly eńbekpen qan júgirtken Elbasymyz Nursultan Ábishuly «Sabyr túbi - sary altyn» ekenin únemi aıtyp keledi. Eń bastysy – beıbit ómir súrý jáne óz halqyńnyń ıgiligi úshin qyzmet etý. Biz, Kúrshim aýdanynyń turǵyndary tózimdilik tanytyp, osy tarıhı oqıǵanyń kýási bolyp otyrmyz. Halyqtyń muńyna qulaq túretin Qazaqstan Respýblıkasynyń Prezıdenti Qasym-Jomart Kemelulyna rızashylyǵymyz sheksiz», - dedi aqsaqal.

Qazirgi ýaqytta qurylys alańynda daıyndyq jumystary júrip jatyr.

Máselen, aınalma jáne tehnologııalyq joldar tóseldi, elektr jelileri tartylyp, sý ótkizý qubyrlary ornatyldy.

Budan bólek, kópir salýshylarǵa arnalǵan jataqhana turǵyzylýda.











Joǵary qaraı